مۇراعا قالدىرىلعان ۇيدەن 100 كەلى التىن تابىلدى
بريۋسسەل. قازاقپارات - نورمانديا تۇرعىنى وزىنە مۇراعا قالدىرىلعان ۇيدەن قۇنى 3,5 ميلليون ەۋرو بولاتىن 100 كەلى التىن تاۋىپ الدى،
دەپ حابارلايدى قازاقپاراتتىڭ بريۋسسەلدەگى ءتىلشىسى فرانسيالىق ب ا ق وكىلدەرىنە سىلتەمە جاساپ.
ءمالىم بولعانىنداي، التىن جيھازداردىڭ استىنا، زاتتاردىڭ ىشىنە، ءىش كيىمدەردىڭ اراسىنا، ۆاننا بولمەسىندە، سونداي- اق ۆيسكي سۋسىنىنىڭ شولمەكتەرىنە جانە وزگە دە كوپتەگەن قۇپيا جەرلەرگە جاقسىلاپ جاسىرىلعان.
بارلىعى 5 مىڭ التىن شاقا تابىلعان. سونداي- اق سالماعى 12 كەلى بولاتىن ەكى قۇيما مەن 7 كەلىلىك التىننىڭ بولىكتەرى بار. وسى وقيعاعا بايلانىستى اقپاراتتاردا ءۇي يەسىنىڭ التىندى زاڭدى تۇردە 1950-1960 -جىلدارى ساتىپ الىپ، ساقتاپ كەلگەندىگى ايتىلادى. ونىڭ ءتىپتى ارنايى سەرتيفيكاتتارى دا بار كورىنەدى.
