استانادا كوكتايعاق سالدارىنان 100 دەن استام جول اپاتى بولدى

سوعان قاراماستان، قالىڭ قار تۇسكەن العاشقى كۇنى قالادا كوكتايعاقتىڭ سالدارىنان 100 دەن استام جول- كولىك اپاتى بولدى، دەپ حابارلايدى قازاقپارات ءتىلشىسى. ءى ءى د اكىمشىلىك پوليتسيا ينسپەكتورى باقىتجان التىبايدىڭ ايتۋىنشا، جۇزدەن استام جول- كولىك اپاتى تىركەلسە دە، ادام شىعىنى بولعان جوق. كولىك جۇرگىزۋشىلەرىنىڭ كوبىسى كوكتايعاقتا رۋلگە يە بولا الماي، باسقا ماشينالارعا سوعىلىپ، كوشە قيىلىستارى مەن جولداردا قۇقىق قورعاۋشىلار كەلگەنشە كۇتكەن. سونىڭ سالدارىنان كەپتەلىستەر بولدى.

«بۇدان بولەك، استانادا جىل سايىن كولىكتەرلىڭ سانى ءوسىپ كەلەدى. جىلىنا 25-30 مىڭ اۆتوكولىكتى تىركەۋگە قويادى. جالپى، وسىدان التى جىل بۇرىن كولىكتەردىڭ سانى 209 مىڭ بولعان. بۇگىندە تىركەۋگە قويىلعان اۆتوموبيلدەر 343 مىڭعا دەيىن ءوسىپ وتىر. وعان ترانزيتپەن وتەتىن كولىكتەردى قوسىڭىز»، - دەدى ب. التىباي بۇگىن استانادا وتكەن باسپا ءسوز ءماسليحاتىندا.

ال «استانا تازالىق» ج ش س وندىرىستىك- تەحنيكالىق ءبولىم باستىعى التىن نۇرجۋمينانىڭ ايتۋىنشا، 11 -قاراشادان بەرى كوممۋنالدىق قىزمەت ەلوردا جولدارىنداعى كوكتايعاقتى جاڭا ادىسپەن كەتىرۋدى قولعا الدى. «ءبىز قىسقا تىڭعىلىقتى دايىندالدىق. بيىل جاڭا پيلوتتىق جوبانىڭ اياسىندا كوكتايعاققا قارسى العاش رەت ايسمەلت رەاگەنتىن قولداندىق. ياعني جولداعى تازالىقتى ساقتاۋ، كوكتايعاقتان بولاتىن جول اپاتىن ازايتۋ ماقساتىندا 11 -قاراشادان باستاپ وسى ءونىمدى جولدارعا سەپتىك. مۇنى استانا تۇرعىندارى لاس جولدارمەن جۇرمەس ءۇشىن پايدالانىپ وتىرمىز. قازىرگى تاڭدا جاڭا رەاگەنتتى قالانىڭ ورتالىقتاعى كوشەلەرىنە سەۋىپ جاتىرمىز»، - دەيدى ا. نۇرجۇمينا.

اۆتور: ارمان اسقاروۆ