ەكى جىلدىڭ ىشىندە جەكە ءۇي سالۋعا 100 مىڭ جەر تەلىمى بولىنەدى

استانا. قازاقپارات - ۇلتتىق ەكونوميكا ءمينيسترى قۋاندىق بيشىمبايەۆ ق ر پارلامەنتى ماجىلىسىندەگى ۇكىمەت ساعاتىندا «نۇرلى جەر» باعدارلاماسىن باسىم قىرلارىن اشىپ ايتتى.

ونىڭ سوزىنە قاراعاندا، الداعى ەكى جىلدا قاراپايىم ازاماتتاردىڭ جەكە ءۇي سالۋىنا قاجەتتى 100 مىڭ جەر ۋچاسكەسى بولىنەدى.

«حالىقتى تۇرعىن ۇيمەن ودان ءارى قامتاماسىز ەتۋ ءۇشىن قولدانىستاعى باعدارلامالارداعى بارلىق تۇرعىن ءۇي ماسەلەلەرىن ءبىر باعدارلاماعا بىرىكتىرە وتىرىپ، ءبىرىڭعاي «نۇرلى جەر» تۇرعىن ءۇي قۇرىلىسى باعدارلاماسىن ازىرلەۋ تاپسىرىلدى»، - دەپ اتاپ ءوتتى مينيستر.

باعدارلامادا باستى نازار تۇرعىن ءۇي قۇرىلىسىن مەملەكەت قاراجاتى ەسەبىنەن تىكەلەي قارجىلاندىرۋدان مىنا مىندەتتەردى شەشۋ ارقىلى جەكە باستامالاردى ىنتالاندىرۋعا اۋىساتىن بولادى:

 1) پايىزدىق مولشەرلەمەنى سۋبسيديالاۋدى قوسا العاندا، ەدب يپوتەكالىق قارىزدار بەرۋ ارقىلى سۇرانىستى ىنتالاندىرۋ؛

 2) «ق ت ق ج ب» اق سالىمشىلارى ءۇشىن كرەديتتىك تۇرعىن ءۇي قۇرىلىسىن قارجىلاندىرۋ جانە وڭىرلىك جالدامالى تۇرعىن ءۇي قورىن قۇرۋ؛

3) مەملەكەتتىڭ ينجەنەرلىك- كوممۋنيكاتسيالىق ينفراقۇرىلىم تارتۋى ارقىلى جەكە تۇرعىن ءۇي قۇرىلىسىن دامىتۋ جانە ينجەنەرلىك ينفراقۇرىلىم شىعىندارىن وتەي وتىرىپ، جەر ۋچاسكەلەرىن بەرۋ. باعدارلامانى ىسكە اسىرۋ تۇرعىن ءۇي قۇرىلىسىنا ارنالعان بيۋدجەت قاراجاتىنىڭ ءاربىر 1 تەڭگەسىنە شامامەن 10 تەڭگە جەكە ينۆەستيتسيا تارتۋ ارقىلى بيۋدجەتتى جەڭىلدەتۋگە مۇمكىندىك بەرەدى".

ونىڭ ايتۋىنشا، جاپپاي قۇرىلىس ۋچاسكەلەرىنە ءتيىستى ينفراقۇرىلىم جۇرگىزۋ كوزدەلگەن.

«2016-2017 -جىلدارى وسى جۇمىستاردىڭ ناتيجەسىندە ينجەنەرلىك ينفراقۇرىلىمدارمەن قامتاماسىز ەتىلگەن جەكە تۇرعىن ۇي قۇرىلىسىنا 101 مىڭ جاڭا جەر ۋچاسكەسى بولىنەدى. ينفراقۇرىلىم قازىردە ءبولىنىپ قويعان 57,4 مىڭ ۋچاسكەگە دە، قالعان 43,5 مىڭ ۋچاسكەگە دە جۇرگىزىلەدى. 2017 -جىلى ءتيىستى ينجەنەرلىك ينفراقۇرىلىمداردى جۇرگىزۋگە 84 ميلليارد تەڭگە ءبولۋ قاراستىرىلعان»، - دەدى ق. بيشىمبايەۆ.

 مينيستر ارەندالىق، كرەديتتىك جانە كوممەرتسيالىق تۇرعىن ۇيلەردى سالۋ جۇمىستارى تۋرالى دا توقتالدى.

بۇل ماقساتتارعا 2015-2016 -جىلدارى 444 ميلليارد تەڭگە بولىنگەن.

«اتالمىش باعىتتار بويىنشا، 2015-2017 -جىلى 3,1 ميلليون شارشى مەتر تۇرعىن ءۇي تاپسىرۋ كوزدەلۋدە. ولاردىڭ ىشىندە 2015 -جىلى جانە بيىلعى جىلدىڭ قاڭتار- تامىز ايلارىندا 860 مىڭ شارشى مەتر ءۇي پايدالانۋعا بەرىلدى»، - دەدى ول.

 ۆەدومستۆو باسشىسىنىڭ ايتۋىنشا، بيىلعى جىلدىڭ سوڭىنا دەيىن 488,7 مىڭ شارشى مەتر تۇرعىن ءۇي مەن 8 مىڭ پاتەر سالىنباق. 2017 -جىلى قالعان 1,9 ميلليون شارشى مەتر ءۇي تۇرعىزىلادى.