تۇركيادا 100 دەن استام يمام قاماۋعا الىندى

استانا. قازاقپارات - تۇركيا ەلىندە اسكەريلەر قاتارىندا قىزمەت اتقاراتىن 100 دەن استام يمام قاماۋعا الىندى. ولاردىڭ بارلىعىنا دا مەملەكەتتىك توڭكەرىس جاساۋعا قاتىسى بار دەگەن ايىپ تاعىلىپ وتىر.

حابارلامادا ايتىلعانداي، قاماۋعا الۋ جۇمىستارى ەلدىڭ 17 پروۆينتسياسىندا جۇرگىزىلگەن. ءتارتىپ ساقشىلارىنىڭ ايتۋىنشا، تۇتقىندالعان 105 ءدىني قىزمەتكەرلەردىڭ بارلىعى فەتحۋللاح گۋلەننىڭ جاسىرىن جاساعىنىڭ قۇرامىندا بولعان كورىنەدى.

 ايتا كەتەيىك، قازىرگى تاڭدا تۇركيا قارۋلى كۇشتەرى قاتارىنان مەملەكەتتىك توڭكەرىس جاساۋعا قاتىسى بار دەگەن ايىپپەن 4,5 مىڭ قىزمەتكەر بوساتىلعان. ولاردىڭ ىشىندە 151 گەنەرال بار.

Muslim.kz