پاكىستاندىق ازامات بالالارىنىڭ سانىن 100 گە جەتكىزۋدى ارماندايدى

استانا. قازاقپارات - بۇگىندە جاسى 46 عا كەلگەن پاكىستاندىق ساردار موحامماد كحيلدجي ءوز كىندىگىنەن تاراعان بالالار سانىن 100 گە جەتكىزۋدى ارمانداپ كەلەدى دەپ جازادى www.muslim.kz.

قازىرگى ۋاقىتتا ونىڭ ءۇش ايەلىنەن تاراعان ۇرپاعىنىڭ سانى 35 كە جەتكەن. ەندى ول وزىنە ءتورتىنشى ايەل الاتىنىن مالىمدەپ وتىر.

العاش 26 جاسىندا جانۇيا قۇرعان ول كەلەسى جىلى اراسىنا بەس اي سالىپ، تاعى ەكى ايەلدىڭ كۇيەۋى اتانعان. قازىرگى كەزدە ونىڭ 14 ۇلى مەن 21 قىزى بار. ول وتباسىن اسىراۋ ءۇشىن اۋرۋحاناداعى جۇمىسىنا قوسا، مەدرەسە ديرەكتورى بولىپ قىزمەت اتقاراتىن كورىنەدى. ازىرگە تارشىلىق كورە قويعانىمىز جوق دەيدى ۇلكەن اۋلەتتىڭ قوجايىنى.