قازاقستاننىڭ ستراتەگيالىق زەرتتەۋلەر ينستيتۋتى الەمدەگى ۇزدىك 100 ورتالىقتىڭ قاتارىنا ەندى
مۇنداي جوعارى باعانى ينستيتۋتقا بۇكىل الەمدىك سارالاۋ جانە رەيتينگتى باقىلاۋ ورتالىعى بەرىپ وتىر. ارنايى ماراپاتتى پەنسيلۆانيا ۋنيۆەرسيتەتىنىڭ ازاماتتىق قوعام جانە ساراپتاۋ ورتالىعى باعدارلاماسىنىڭ ديرەكتورى دجەيمس ماكگانن تابىستادى.
رەيتينگ جوعارى وقۋ ورنىنىڭ زەرتتەۋى بويىنشا انىقتالادى. بىلىكتى ماماندار 1989-جىلدان بەرى الەمدىك سارالاۋ ورتالىقتارىن زەرتتەۋمەن اينالىسىپ كەلەدى. قازاقستان ستراتەگيالىق زەرتتەۋ ورتالىعى بىلتىر دا ورتالىق ازيادا ۇزدىك ۇشتىككە ەنگەن بولاتىن.
- بۇل كورسەتكىشتەر ءبىز ءۇشىن وتە ماڭىزدى. ويتكەنى بىرلەسكەن جوبالاردى سارالاپ، ىسكە اسىرۋ ءۇشىن ورتالىقتار بەدەلدى سەرىكتەس ىزدەيدى. بۇل رەتتە مەديا سالاسىندا وزىندىك ورنىڭ بولۋ كەرەك. مىسالى ءبىز بىلتىرعى رەيتينگ بويىنشا ءتورت اتالىمدا الدىڭعى قاتاردان كورىندىك. بۇدان كەيىن ارىپتەستىككە دەگەن سۇرانىس تا ارتتى، - دەدى قازاقستان ستراتەگيالىق زەرتتەۋلەر ينستيتۋتىنىڭ ديرەكتورى ەرلان قارين.
