مۇناي باعاسى 100 دوللاردان اساتىن زامان قايتىپ ورالمايدى - ت. سۇلەيمەنوۆ
«الەمدە جاڭا تەحنولوگيالىق ءتارتىپتىڭ قالىپتاسىپ جاتقاندىعى ايقىن جايت جانە ونىڭ باستى ەرەكشەلىگى ەكونوميكانىڭ ەنەرگيا قامتىمدىلىعىنىڭ تومەندەۋى، تيىمدىلىكتىڭ ارتۋى مەن ءداستۇرلى ەنەرگيا كوزدەرىنەن شەگىنۋ بولىپ وتىر. مۇناي مەن گازدىڭ الەمدىك ەكونوميكادا نەگىزگى ءرولدى ويناۋى جالعاسا بەرەتىندىگى ءسوزسىز. ءبىراق، ول سوڭعى بىرنەشە ونجىلدىقتاعىداي ماڭىزدى رولگە يە بولا المايدى. ءبىز بوي ۇيرەتىپ العان مۇنايدىڭ وتە جوعارى باعاسى، 100 دوللاردان دا جوعارى بولاتىن كەزەڭى قايتا ورالماۋى مۇمكىن ەكەندىگىن ءتۇسىنۋ قاجەت. بۇل ءبىزدىڭ ەلدەرىمىز جۇرگىزۋى ءتيىس ەونوميكالىق ساياساتتا ءوز ءىزىن قالدىرادى»، - دەدى ت. سۇلەيمەنوۆ.
ونىڭ اتاپ وتۋىنشە، بۇل رەتتە ەكونوميكالىق وسىمگە اكەلەتىن قۇرالدار توپتاماسى دا كوپ. تەك ۇلتتىق سيپاتتاعى دا قۇرالدار بار. ولار: ۇلتتىق بيۋدجەتتىك- سالىق، اقشا- نەسيە، ونەركاسىپتىك، تەحنيكالىق جانە باسقا دا ساياساتتار.
«دەگەنمەن، ءبىزدىڭ كوزقاراسىمىزشا، سوڭعى جىلدارى ينتەگراتسيالىق كۇن ءتارتىبى دە ايتارلىقتاي ىلگەرىلەي ءتۇستى. ەكونوميكانىڭ ودان ارى ءوسىمى جولدارىن ىزدەۋدە ءبىز تەك قانا ۇلتتىق قۇرالدار توپتاماسىنا ارقا سۇيەۋىمىز قاجەت. ءبىز جان- جاعىمىزعا، ءوزىمىزدىڭ تاياۋ كورشىلەرىمىزگە قاراۋعا ءتيىسپىز. وسى رەتتە ەۋرازيالىق ەكونوميكالىق وداقتى قۇرۋ اعىمداعى كۇن تارتىبىندەگى سىن- قاتەرلەرگە جاۋاپتاردىڭ ءبىرى جانە ودان ارعى ەكونوميكالىق ءوسىم ءۇشىن دايۆەر سانالادى»، - دەدى ول.
اۆتور: مارلان جيەمباي
