استانا ماڭىندا قۋاتى 100 مەگاۆاتت بولاتىن كۇن ەلەكتر ستانسياسى سالىنادى
بۇگىن قۇرىلىس ورنىنا بارعان كومپانيا باسشىلارى مەن وبلىس اكىمى ستانسانىڭ ىرگەتاسىن قالادى. قۇنى شامامەن 150 ميلليون ەۋروعا جۋىقتايتىن ستانسا باس قالادا وتەتىن EXPO كورمەسى قارساڭىندا اشىلادى. 300 گەكتار اۋماعى بار ستانتسيا ماڭىنا 31 مىڭنان استام كۇن پانەلدەرى قويىلماق. ول تولىق ىسكە قوسىلسا، ەنەرگيا ءوندىرۋ قۋاتى جىلىنا 288 مىڭ مەگاۆاتقا دەيىن جەتەدى.
ماماندار بالامالى قۋات كوزى استانا قالاسى تۇتىناتىن ەنەرگيانىڭ %10 ىن جانە ەلىمىزدىڭ بارلىق ايماعىن تۇگەل قامتاماسىز ەتە الادى دەيدى. ال قۇرىلىسى اياقتالسا، 70 ادام تۇراقتى جۇمىسپەن قامتىلادى. مامانداردىڭ بارلىعى بىلىكتىلىك قابىلەتىن شىڭداپ، ارنايى كۋرستان وتەدى.
- ستانسانىڭ بالاماسى ورتالىق ازيادا جوق. بولاشاقتا الەمدەگى ءىرى بالامالى قۋات كوزىن وندىرەتىن ستانسالار قاتارىنا ەنۋى مۇمكىن. وسىدان ءۇش جىل بۇرىن ءدال وسى جەردە جوبانى جۇزەگە اسىرۋ جايلى شەشىم قابىلداعان ەدىك. بولاشاقتا قازاق جەرىندە تاعى 4 ءىرى جوبانى قولعا الماق ويىمىز بار. ناقتىراق ايتسام، الدىمەن وڭتۇستىك قازاقستاندا. كەيىن قاراعاندى مەن قىزىلوردا وبلىستارىندا ستانسيا اشۋدى جوسپارلاپ وتىرمىز، دەيدى «KB Enterprises» كومپانياسىنىڭ باس ديرەكتورى تايلان كارامانلي.
