جۇكتى ايەلدىڭ ءىشىن اس ءۇي پىشاعىمەن جارىپ تاستاعان امەريكالىق 100جىلعا سوتتالدى

استانا. قازاقپارات - كولورادو سوتى جۇكتى ايەلدىڭ ءىشىن اس ءۇي پىشاعىمەن جارىپ، سەگىز ايلىق بالاسىن سۋىرىپ العان 36 جاستاعى امەريكالىق ايەلدى 100 جىلعا سوتتادى.

 تەرگەۋ كەزىندە انىقتالعانداي، داينەل لەين بىرنەشە اي بويى جانىنداعىلارىن ءوزىنىڭ ەكىقابات ەكەنىن ايتىپ الداپ كەلگەن.

ول عالامتورعا وزگەلەردىڭ ۋلترادىبىستىق تەكسەرۋ ناتيجەلەرىن جاريالاعان، سولايشا جۇرتتى ءوزىنىڭ ەكىقابات ەكەنىنەن سەندىرگەن.

 2015 - جىلى جۇكتى ايەلدەرگە ارنالعان كيىمدەر ساتاتىنىن ايتىپ ول ءوز ۇيىنە ميشەل ۋيلكينستى الداپ شاقىرعان. كەيىن وعان تاپ بەرىپ، ەكى اس ءۇي پىشاعىمەن ونىڭ ىشىندەگى بالاسىن كەسىپ العان.

 وعان ءسابيدى ءولتىردى دەگەن ايىپ تاعۋ مۇمكىن بولمادى. ويتكەنى تەرگەۋشىلەر بالا ءىشتى جارىپ الىپ شىققاندا ءتىرى بولعانىن دالەلدەي المادى.

 سوندىقتان لەيندى ميشەل ۋيلكينستى ولتىرمەك بولعانى جانە ونىڭ جۇكتىلىگىن زاڭسىز ۇزگەنى ءۇشىن سوتتادى.