قىزىلوردادا وتكىزىلگەن التى فورۋم ناتيجەسىندە وبلىسقا 100 ميلليارد تەڭگەدەن استام قارجى تارتىلدى

قىزىلوردا. قازاقپارات - كەلەر ايدا ينۆەستورلاردى تارتۋ ماقساتىندا ءداستۇرلى تۇردە جىلىنا ەكى رەت وتكىزىلەتىن «بايقوڭىر- ينۆەست» فورۋمىن  Ⅶ مارتە وتكىزۋ جوسپارلانعان.

بۇل - پىكىر الماسۋعا زور مۇمكىندىك الاڭى. وسىعان دەيىن وتكىزىلگەن 6 فورۋمنىڭ ناتيجەسىندە وبلىس ەكونوميكاسىنا 100 ميلليارد تەڭگەدەن استام تىكەلەي ينۆەستيتسيا تارتىلدى. بۇل تۋرالى ايماق باسشىسى قىرىمبەك كوشەربايەۆ بۇگىن وتكەن بريفينگتە ءمالىم ەتتى.

مۇنان ءارى ول شەتەلدىك ارىپتەستەرمەن بىرلەسكەن جوبا شىنى زاۋىتىنىڭ قۇرىلىسى قارقىندى ءجۇرىپ جاتقانىن، الداعى مامىر ايىنان باستاپ زاۋىتقا قۇرال- جابدىقتار جەتكىزىلە باستايتىنىن ايتتى.

سونىمەن قاتار، قازىرگى تاڭدا «ارال تۇز» ا ق كالتسييلەندىرىلگەن سودا شىعارۋ زاۋىتىنىڭ قۇرىلىسىن سالۋعا ينۆەستور تارتۋ ماسەلەسىمەن اينالاسىپ جاتىر (جوبانىڭ تەن دايىن). بۇل كومپونەنت تەك شىنى وندىرىسىنە عانا ەمەس، سونداي- اق كوپتەگەن ونەركاسىپ سالالارىن قاجەتتى تەڭدەسى جوق رەاگەنت (قۇرىلىس يندۋسترياسى، مەتاللۋرگيا، مۇناي ءوندىرىسى، ت. ب. )

فەرروقورىتپا زاۋىتى قۇرىلىسىنىڭ جوباسى مەن «بالاساۋىسقاندىق» ۆانادي كەن ورنىن يگەرۋ جۇمىستارى جالعاسۋدا. تاجىريبەلىك- ونەركاسىپتىك جۇمىستار اياقتالدى. جاقىن ارادا وندىرىستىك وڭدەۋ جۇمىستارى باستالادى.

«سامۇرىق- قازىنا» قورىمەن بىرگە قازىر «شالقيا» قورعاسىن- مىرىش كەن ورنىن يگەرۋ جۇمىستارى ءجۇرىپ جاتىر. كەن بايىتۋ كومبيناتىنىڭ قۇرىلىسىن جاقىن ارادا باستايمىز. ودان كەيىن جاقىن كەلەشەكتە گيدرومەتاللۋرگيالىق زاۋىتتى سالۋ دا جوسپاردا.

بيىلعى جىلدىڭ ءبىرىنشى جارتىجىلدىعىندا قىتايلىق ارىپتەستەرمەن بىرلەسە وتىرىپ شيەلى اۋدانىندا تامپوناجدى تسەمەنت ءوندىرىسى زاۋىتىنىڭ قۇرىلىسىن (جىلدىق قۋاتى 1 ميلليون توننا سەمەنت) جانە جاڭاقورعان اۋدانىندا رەسەيلىك ارىپتەستەرمەن بىرگە تاعى ءبىر سەمەنت وندىرەتىن زاۋىت قۇرىلىسىن باستاۋدى جوسپارلانىپ وتىر (ونىڭ جىلدىق قۋاتى 560 مىڭ توننا سەمەنت).

سونداي- اق، اسفالت- بەتون، سيليكات كىرپىشىن شىعاراتىن زاۋىت جانە باسقا دا يندۋستريالدى جوبالاردى جۇزەگە اسىرۋعا قاجەتتى جۇمىستار جۇرگىزىلۋدە. قازىرگى تاڭدا يران، قىتاي، چەحيا، ۇلىبريتانيا، پولشا، گەرمانيا، جاپونيا، ا ق ش، ۋكراينا، رەسەي جانە بىرىككەن اراب امىرلىكتەرىنىڭ ينۆەستورلارىمەن كەلىسسوزدەر جۇرگىزىلۋدە.

سونىمەن بىرگە مەملەكەتتىك- جەكەمەنشىك ارىپتەستىك نەگىزىندە 15 جوباعا ينۆەستورلاردى تارتۋ مۇمكىندىگى قاراستىرىلۋدا. ولاردىڭ قاتارىندا 500 ورىندىق ەمحانا، كاسىپتىك- تەحنيكالىق كوللەدج قۇرىلىستارىنىڭ، جاڭا اۋەجاي تەرمينالى قۇرىلىسىنىڭ كونتسەسسيالىق جوبالارى بار.

سونىمەن بىرگە، جەكە ينۆەستور ەسەبىنەن زاماناۋي ونكولوگيالىق ورتالىق قۇرۋ جوباسى قارالۋدا.

اۆتور: ەلۋباي اۋەزوۆ