ءۇندىستانداعى اپتاپ ىستىقتان 100 دەن استام ادام قازا تاپتى

استانا. قازاقپارات - ءۇندىستان مەملەكەتىنىڭ وڭتۇستىك بولىگىندە ورىن العان اپتاپ ىستىقتان 111 ادام كوز جۇمعان، دەپ حابارلادى muslim.kz.

ايماقتا 1- ساۋىردەن باستاپ تەمپەراتۋرا ءتىلى 40 گرادۋستان تومەندەمەگەن. بيلىك وكىلدەرى جاقىن ارادا بۇدان دا قاتتى ىستىق بولۋى مۇمكىن دەپ قاۋىپتەنۋدە. بۇل ايماقتاعى ەڭ ىستىق مەزگىل ءالى الدا كورىنەدى.

ءۇندىستان تروپيكالىق مەتەورولوگيا ينستيتۋتىنىڭ بولجامدارى دا كوڭىل كونشىتپەيدى. ءۇندىستاندا جاقىن كۇندەرى اۋا رايى كۇرت كوتەرىلەتىنى ايتىلىپ وتىر.

ايتا كەتەيىك، بىلتىرعى جىلى ءۇندىستان تاريحىندا بۇرىن-سوڭدى بولماعان اپتاپ ىستىق تىركەلگەن ەدى. شىلىڭگىر شىلدەنىڭ اپتابىنان 2000 ادام قايتىس بولعان.