گەرمانيالىق كولىك شىعارۋشى كومپانيا قىتايداعى 100 مىڭنان استام كولىگىن كەرى قايتارادى

استانا. قازاقپارات - گەرمانيانىڭ Volkswagen كولىك شىعارۋشى كومپانياسى قىتايلىق نارىقتان 103569 دانا  Touareg ماركالى جول تالعامايتىن كولىگىن كەرى قايتارىپ الماق، دەپ حابارلادى ق ح ر- دىڭ تاۋارلاردى تەحنيكالىق جانە كارانتيندىك باقىلاۋ بويىنشا باس مەملەكەتتىك باسقارماسىنان.

بۇل شەشىم 2010 -جىلدىڭ 12 -قاڭتارى مەن 2016 -جىلدىڭ 19 -قاڭتارى ارالىعىندا شىعارىلعان اۆتوموبيلدەرگە قاتىستى بولادى، دەپ اتاپ ءوتتى "شينحۋا" اگەنتتىگى.

18 -ساۋىردە باستالاتىن كولىكتەردى شاقىرتۋ ونداعى تەجەگىش پەدالدارىن بەكىتۋدىڭ توقتاتقىش دوڭگەلەكتەرىنىڭ السىرەۋى پروبلەماسىمەن تۇسىندىرىلەدى. Volkswagen شاقىرتىلعان بارلىق كولىكتەردى تەكسەرىپ، انىقتالعان اقاۋلاردى تەگىن جويۋدى جوسپارلاپ وتىر.