قازاقستاندا 100 مىڭعا جۋىق ادام اسكەري ەسەپكە الىندى
دەپ حابارلادى ق ر قورعانىس مينيسترلىگىنىڭ باسپا ءسوز قىزمەتى.
2016 -جىلعى قاڭتار مەن ناۋرىز ارالىعىندا قازاقستان بويىنشا شاقىرۋ ۋچاسكەلەرىنە 1999 -جىلى تۋىلعان 100 مىڭعا جۋىق ازامات تىركەلدى. تىركەۋ بوزبالالاردى اسكەري ەسەپكە الۋ، ولاردىڭ سانىن، اسكەري قىزمەتكە جارامدىلىق دارەجەسىن، ءبىلىم دەڭگەيىن، العان ماماندىعىن جانە دەنە دايارلىعىن ايقىنداۋ ءۇشىن وتكىزىلەدى.
بالالار ءۇيىنىڭ تاربيەلەنۋشىلەرىنە، جەتىم بالالارعا ارنالعان مەكتەپ- ينتەرناتتارىنىڭ شاكىرتتەرىنە، سونداي- اق كوپ بالالى جانە تۇرمىسى تومەن وتباسىلاردىڭ بالالارىنا، اسىرەسە، قازاقستان رەسپۋبليكاسى قورعانىس مينيسترلىگىنىڭ كادەت كورپۋسىنا ەرەكشە نازار اۋدارىلدى. قازىرگى ۋاقىتتا قازاقستان رەسپۋبليكاسى قورعانىس مينيسترلىگىنىڭ اسكەري وقۋ ورىندارىنا تۇسۋگە 2000-داي ادام نيەت ءبىلدىرىپ وتىر.
ازاماتتاردى مەديتسينالىق كۋالاندىرۋدان وتكىزۋ ءۇشىن جەرگىلىكتى اتقارۋ ورگاندارىنىڭ شەشىمى بويىنشا مەديتسينالىق كوميسسيالار قۇرىلعانىن اتاپ وتكەن ءجون.
سونداي- اق قورعانىس ىستەرى جونىندەگى باسقارمالار مەن بولىمدەر ازاماتتاردى شاقىرۋ ۋچاسكەسىنە تىركەۋ پروتسەسىندە ەم الۋعا (مەديتسينالىق باقىلاۋعا) مۇقتاج شاقىرىلۋشىلاردى ايقىنداپ، ەمدەۋ- الدىن الۋ ۇيىمدارىنا، دەنساۋلىق جاعدايى جانە وزگە دە مالىمەتتەر بويىنشا جارامدىلاردى قورعانىس مينيسترلىگىنىڭ مامانداندىرىلعان ۇيىمدارىنا جانە وقۋعا تۇسۋگە نيەت بىلدىرگەندەردى اسكەري وقۋ ورىندارىنا تىركەدى.
اسكەري ەسەپكە العاش رەت تۇرعان قازاقستاندىقتارمەن قازاقستان رەسپۋبليكاسى قورعانىس مينيسترلىگىنىڭ جوعارى اسكەري وقۋ ورىندارىنا ءتۇسۋ بويىنشا جۇمىس جۇرگىزىلدى.
ەسكە سالا كەتەيىك، كەلەسى كەزەڭ اعىمداعى جىلدىڭ 1 - ساۋىرىندە قازاقستاندا باستاۋ الاتىن اسكەرگە شاقىرۋ ناۋقانى بولماق.
