17:51, 21 - ناۋرىز 2016 | GMT +5
كوكشەتاۋداعى 100 كەلى باۋىرساق تەگىن ۇلەستىرىلدى
كوكشەتاۋ. قازاقپارات - بۇگىن كوكشەتاۋدا وتكەن ۇلىستىڭ ۇلى كۇنى اقمولالىقتار ءۇشىن مەرەكەلىك شاراعا تولى بولدى.
قالاداعى ورتالىق ساياباقتىڭ كىرە بەرىس تۇسىندا اقمولا وبلىسىنىڭ جاستار ساياساتى ماسەلەلەرى جونىندەگى باسقارماسىنىڭ جانىنداعى وبلىستىق جاستار رەسۋرستىق ورتالىعىمەن قاتارىنان 3 جىل ۇيىمداستىرىلىپ وتىرعان «باۋىرساق پاتي» اتتى باۋىرساق شوۋ باعدارلاماسى مەرەكەنىڭ كورىگىن قىزدىرا ءتۇستى.
سايىس باعدارلاماسى بويىنشا قاتىسۋشىلار «سىزگە تىلەيمىن»، «ءدامدى باۋىرساق» ءتارىزدى كەزەڭدەردەن مۇدىرمەي ءوتۋى ءتيىس.
سايىس سوڭىندا قاتىسۋشىلارعا ءتۇرلى سىيلىقتار بەرىلىپ، 100 كەلى باۋىرساق تەگىن ۇلەستىرىلدى.
اۆتور: اسلان وسپانوۆ
