حاكەرلەر 100 ميلليون دوللارىن ۇرلاعان بانكتىڭ باسشىسى قىزمەتىنەن كەتتى

استانا. قازاقپات - بانگلادەش ورتالىق بانكىنىڭ باسشىسى اتيۋر راحمان ەلدىڭ التىن-ۆاليۋتا قورىنان 100 ميلليون دوللاردى حاكەرلەر ۇرلاعاننان كەيىن قىزمەتىنەن كەتتى، دەپ حابارلايدى bbc اگەنتتىگى.

اقپان ايىندا كيبەر قىلمىسكەرلەر ورتالىق بانكتىڭ كومپيۋتەرلىك جۇيەسىن بۇزىپ كىرىپ، ونىڭ نيۋ- يوركتەگى فەدەرالدىق رەزەرۆ بانكىندەگى ەسەپ- شوتىنداعى اقشالارىن فيليپپيندەگى كازينوعا جانە شري- لانكاداعى ەسەپ-شوتقا اۋدارىپ جىبەرگەن.

ول قارجىنىڭ قولدى بولعاندىعىن ۇكىمەتكە حابارلاماعانى ءۇشىن بيلىك تاراپىنان قاتتى سىنعا ۇشىرادى.

ەلدىڭ قارجى ءمينيسترى ابۋل ماال ابدۋل مۇحيت وقيعادان ءبىر اي وتكەن سوڭ عانا حاكەرلىك شابۋىل تۋرالى گازەتتەن وقىعاندىعىن مالىمدەگەن.

قازىر بانگلادەش ورتالىق بانكىنىڭ باسشىلىعى شري-لانكاعا اۋدارىلىپ كەتكەن قارجىنى قايتارىلعاندىعىن، ەندىگى كەزەكتە فيليپپين بيلىگىمەن ۇرلانعان اقشانىڭ نەگىزگى بولىگىن قايتارۋ جايى بويىنشا كەلىسسوزدەر جۇرگىزىلىپ جاتقاندىعىن اتاپ وتكەن.