ا ق ش- تاعى جۇك كولىگىن جۇرگىزۋشى قازاقستاندىقتار تۋرالى فيلم عالامتوردا 100 مىڭعا جۋىق رەت تاماشالانعان - كەسكىن
«ءتورت كۇن ىشىندە ا ق ش- تاعى قازاقستاندىق جۇك كولىگىن جۇرگىزۋشىلەر تۋرالى «Truckdriver» فيلمىن youtube جەلىسىندە 53000 ادام تاماشالاعان. ال Facebook-تا 40000 رەت قارالعان. مەن مۇنى كۇتپەپ ەدىم، بارىڭىزگە راحمەت! سىزدەر كوبىرەك جۇمىس جاساۋعا ىنتالاندىراسىزدار. فيلمنىڭ كەيىپكەرلەرىنە ايتقان جىلى سوزدەرىڭىزدىڭ ولار ءۇشىن ماڭىزى زور»، دەپ جازادى ينستاگرامدا فيلمنىڭ اۆتورى ءارى رەجيسسەرى قانات بەيسەكەيەۆ (@beisekeyev).
كەشتەردىڭ بىرىندە نيۋ-يوركتەگى باردا قاناتقا تانىس كولىك جۇرگىزۋشىسى نۇرلان ءوزىنىڭ الداعى ساپارى تۋرالى ايتىپ بەرگەن. كەلەسى كۇنى تاڭەرتەڭ قانات ونىڭ كولىگىنە وتىرىپ، ەكى اپتا ىشىندە ا ق ش- تىڭ بارلىق شتاتتارىن ارالاپ شىققان.
نۇرلان امەريكاعا بۇدان جەتى جىل بۇرىن كوشىپ بارعان. ءوز وتاندارىنان جىراقتا جۇرسە دە، ولاردىڭ تۋعان ەلگە دە سۇيىسپەنشىلىكتەرى جوعارى.
فيلمگە نۇرلان قوجاحمەتوۆ، نۇربەك حاسەن، باۋىرجان ءجۇنىسوۆ، رۇستەم قاجكەنوۆ، ءاليحان جاڭبىربايەۆ، ارتۋر ماردانوۆ تۇسكەن. اۋدارماسىن دانيار جانە ساندۋعاش سۇندەتبايەۆتار جاساعان.
