10:03, 22 - قاراشا 2015 | GMT +5
رەجيسسەر مەن اكتەر 100 جىلدان كەيىن عانا كورۋگە بولاتىن فيلم ءتۇسىرىلدى
استانا. قازاقپارات - رەجيسسەر روبەرت رودريگەس پەن اكتەر دجون مالكوۆيچ 100 جىلدان كەيىن عانا كورۋگە بولاتىن فيلم ءتۇسىردى، - دەپ حابارلايدى Lenta.ru Variety باسىلىمىنا سىلتەمە جاساپ.
باسىلىمنىڭ مالىمەتىنشە، بۇل فيلمدى 2115 -جىلى 18 -قاراشادا كورۋگە بولادى. ولار ونى ارنايى كاپسۋلاعا سالىپ، فرانسياداعى ليۋدوۆيك XIII- نىڭ ۇيىندەگى قويماعا ساقتاپ قويدى. جوباعا Louis XIII برەندى تاپسىرىس بەرگەن.
«لەنتا سيۋجەتىنىڭ ەگجەي-تەگجەيى جاريالانعان جوق، ءبىراق وندا بولاشاق تۋرالى جاسالعان ءتۇرلى بولجامداردىڭ باياندالاتىنى بەلگىلى. فيلمدى تۇسىرۋشىلەر YouTube جەلىسىنە ونىڭ ءۇش تيزەرىن جاريالادى»، - دەلىنگەن جاريالانىمدا.
ايتا كەتەيىك، فيلممەن بىرگە مەتالل بيلەتتەر شىعارىلدى، وعان قول جەتكىزگەن ادامداردىڭ ۇرپاقتارى كەيىن سول فيلمدى كورە الادى.
