قازاقستان مەن قىتاي اراسىندا قۇرىلعان ينۆەستيتسيالىق قورعا كاتار 100 ميلليون دوللار قارجى قۇيادى
«ءبىزدىڭ قارىم- قاتىناسىمىزدىڭ اسىرەسە، ساۋدا- ەكونوميكالىق سالادا الەۋەتى وتە جوعارى. مەنىڭشە، بۇگىن قول قويىلاتىن قۇجاتتار وسى ەلدىڭ ءىرى بيزنەس وكىلدەرىمەن، رەسمي تۇلعالارىمەن جان- جاقتى تالقىلاناتىن بولادى. جالپى، كاتار تاياۋ شىعىستىڭ قازاقستانداعى ەڭ ءىرى ينۆەستورلارىنىڭ ءبىرى بولا الادى دەپ بولجاۋعا مۇمكىندىك بەرەدى» ، - دەدى ول.
ءمينيستردىڭ اتاپ وتۋىنشە، ەكى ەلدىڭ اراسىندا تالقىلانىپ جاتقان سالالار وتە كەڭ. ولاردىڭ قاتارىندا اۋىل شارۋاشىلىعى، جىلجىمايتىن مۇلىك، قوناق ءۇي قىزمەتى، مۇناي- گاز ماسەلەسى سىندى سالالار بار.
«سونىمەن قاتار مادەني- گۋمانيتارلىق ىنتىماقتاستىق، سپورت سالالارىندا دا جاڭا تىعىز بايلانىستار ورناتىلماق. مەنىڭشە، بۇل ساپار قازاقستاندىق- كاتارلىق ىنتىماقتاستىققا تىڭ سەرپىن بەرەتىن بولادى» ، - دەدى ە. دوسايەۆ.
ول ءوز سوزىندە كاتاردىڭ ينۆەستيتسيالىق قورى قازاقستان مەن قىتاي اراسىندا قۇرىلعان ينۆەستيتسيالىق قورعا قارجى قۇياتىندىعىن دا اتاپ ءوتتى.
«ءبىزدىڭ قىتاي حالىق رەپۋبليكاسىمەن بىرگە باستاعان قورىمىزعا كاتار ينۆەستيتسيالىق قورى 100 ميلليون دوللار سالايىن دەپ وتىر. بۇل - باستاپقى سوماسى. ودان كەيىن جۇمىستارىمىز ءارى قاراي دۇرىس ءوربيتىن بولسا، ونىڭ كولەمىن ارتتىرامىز دەگەن ماقساتىمىز بار» ، - دەدى مينيستر.
اۆتور: مارلان جيەمباي
