قىتاي ازاماتى ءوز اتىن جازۋدى 100 گە كەلگەندە ۇيرەندى
دەپ جازادى massaget.kz.
دجاونىڭ 70 جاستاعى بالاسى لۋو رونشەنگتىڭ ايتۋىنشا، اناسى وسىدان ءبىر اي بۇرىن وقۋ مەن جازۋدى ۇيرەنگىسى كەلەتىنىن ايتقان ەكەن. سودان كەيىن ول 10 كۇندىك ساباق الىپ، 100 دەن اسا قىتاي تىلىندەگى تاڭبالاردى ۇيرەنگەن. جاسى جۇزگە كەلگەن شاكىرت ساباققا كۇنىنە ەكى ساعات جۇمسايدى ەكەن.
«مەنىڭ انام ەشقاشان مەكتەپكە بارعان ەمەس. جاسى كەلسە دە بىلىمگە قۇمارتۋى ءبىزدى قۋانتادى»، - دەيدى لۋو.
وقۋ باعدارلاماسى باستالماس بۇرىن لۋو دجاوعا ءوز اتىن جازۋدى ۇيرەتكەن.
«مەن ءسوزدىڭ تاڭبالارى جاقسى كورىنۋى ءۇشىن ونىڭ اتىن ماركەرمەن جازدىم. سوسىن انام ءوز اتىن ءبىر ساعات وتىرىپ جازدى»، - دەيدى لۋو رونشەنگ.
ءومىر بويى كوكونىس ساتۋمەن اينالىسقان دجاو 1950 - جىلدارى ۋنيۆەرسيتەتكە تۇسكەنى تۋرالى قاعاز الادى. ءبىراق وقي الماعاندىقتان، وندا نە جازىلعانىن بىلە الماي دال بولعان. كەيىن ءوزى تۇرعان اۋىلداعى حات تانيتىن ساناۋلى كىسىلەردىڭ كومەگىنە جۇگىنگەن ەكەن.
ول بۇگىندە ساۋاتسىزدىقتان شارشاعانىن ۇنەمى ايتىپ وتىرادى. سول ءۇشىن دە ءوز بالالارىنىڭ وقۋىنا باسا كوڭىل بولگەن ەكەن.
