قوستانايدا ايەل وتىرىك مالىمەتتەردى جەتكىزگەنى ءۇشىن 100 مىڭ تەڭگە كولەمىندە مورالدىق شىعىن وتەيدى

قوستاناي. قازاقپارات - قۇقىق قورعاۋ ورگاندارىنا وتىرىك مالىمەتتەردى جازىپ جەتكىزگەن قوستاناي تۇرعىنىنا سوت الدىندا جاۋاپ بەرۋگە تۋرا كەلدى.

كورىنەۋ جالعان ءوتىنىشتىڭ اۆتورى جابىرلەنۋشىنىڭ پايداسىنا مورالدىق شىعىندى وتەۋ ءۇشىن 100 مىڭ تەڭگە تولەدى. بۇل تۋرالى قوستاناي وبلىستىق سوتىنىڭ باسپا ءسوز قىزمەتىنەن حابارلادى.

 اتاپ وتكەندە، «ازاماتشا ت. قۇقىق قورعاۋ ورگاندارىنا ازاماتشا م- دى كاسىپكەرلىك قىزمەتپەن زاڭسىز اينالىسقانى، ەكى ازاماتتىعى بار بولا تۇرىپ پايدا تاپقانى ءۇشىن ونى قىلمىستىق جاۋاپكەرشىلىككە تارتۋ وتىنىشىمەن شاعىمداندى. بۇدان باسقا، ايەل «قوستاناي قالاسى بويىنشا مەملەكەتتىك كىرىستەر باسقارماسى» ر م ب- نا دا كاسىپكەرلىك قىزمەتتى تەكسەرۋ ءوتىنىشىن جازعان. سول ارقىلى ول ازاماتشا م- گە قيىندىق تۋعىزادى.

سونىڭ سالدارىنان سوڭعىسىنا قوستاناي قالاسىنان شىقپاي، تالاي رەت تۇسىنىكتەمەلەر بەرۋگە، قورعاۋشى جالداۋعا تۋرا كەلدى، سونىمەن قاتار ونىڭ تالاي رەت پروكۋراتۋراعا شاقىرىلعانى حابارلانادى.

جابىرلەنۋشى ابىرويى مەن نامىسىن قورعاۋ وتىنىشىمەن قوستاناي قالالىق سوتىنا شاعىمداندى. وتىنىشتە ول جاۋاپ بەرۋشىنى وزىنەن كەشىرىم سۇراپ، وزىنە كەلتىرىلگەن مورالدىق جانە ماتەريالدىق زياندى وتەۋىن تالاپ ەتتى.

سوت قاراۋىنىڭ قورىتىندىلارى بويىنشا، سوت جاۋاپ بەرۋشىنى 100 مىڭ تەڭگە كولەمىندەگى سومانى تولەتتى. تالاپ ارىزدىڭ قالعان بولىگىن ورىندالمادى.