ۇلت جوسپارى - 100 ناقتى قادام: ب ا ءا- دە مەملەكەتتىك قىزمەتكە قابىلداۋ تاجىريبەسى
باعدارلامانىڭ ءبىرىنشى قادامىندا «مەملەكەتتىك قىزمەتكە قابىلداۋ رەسىمدەرىن جاڭعىرتۋ. مەملەكەتتىك قىزمەتكە قابىلداۋ تومەنگى لاۋازىمداردان باستالۋى ءتيىس» دەپ كورسەتىلگەن.
«قازاقپاراتتىڭ» بىرىككەن اراب امىرلىگىندەگى ارنايى ءتىلشىسى وسى باعىت بويىنشا امىرلىكتىڭ تاجىريبەسىن ايتىپ بەرەدى.
ب ا ءا- ءنىڭ 25.09.2008-جىلعى 11№ «فەدەرالدى ۇكىمەتتەگى ادام رەسۋرستارى» زاڭىنىڭ 19-بابىنا سايكەس، ب ا ءا مەملەكەتتىك قىزمەتىنە العاش رەت كەلگەن تۇلعا مىندەتتى تۇردە 3 اي سىناق مەرزىمىنەن وتەدى.
قىزمەتكە تۇرۋشى كانديداتپەن ۋاقىتشا كەلىسىم-شارت جاسالادى، سايكەسىنشە سىناق مەرزىمى كەزىندە ەڭبەك اقىسى ۇستەماقى مەن جاردەماقىسىز تولەنەدى. سىناق مەرزىمى جىل سايىنعى اقىلى ەڭبەك دەمالىسىن بەرۋ ءۇشىن ەڭبەك وتىلىنە ەسەپكە الىنادى.
ەگەر سىناق مەرزىمى كەزىندە ناتيجە قاناعاتتانارلىق بولماسا، وندا ب ا ءا قىزمەتكەرى لاۋازىمىنان بوساتىلادى، سونداي-اق ول بەس جۇمىس كۇنىنىڭ ىشىندە بۇل تۋرالى حاباردار بولۋى ءتيىس. ال كانديدات ءوز ەركىمەن سىناق مەرزىمىن توقتاتقىسى كەلگەن جاعدايدا ول بۇل تۋرالى بەس جۇمىس كۇنى ىشىندە مەملەكەتتىك ورگانعا حابارلاۋعا مىندەتتى.
