الماتىدا سالىناتىن جاڭا اۋەجاي 100 قادامنىڭ بىرنەشە تۇيتكىلدى مىندەتتەرىنىڭ شەشىمى بولادى - س. مۇحتىبايەۆ
سونىڭ ىشىندە الماتىعا قاتىستى حالىقارالىق اۆياتسيالىق حاب قۇرۋ ماسەلەسى (66- قادام) ايتىلدى. وڭتۇستىك استانانىڭ ىرگەسىندە سالىناتىن جاڭا نىسان تۋرالى بۇگىن قازاقپارات تىلشىسىنە قر ينۆەستيتسيالار جانە دامۋ مينيسترلىگى ازاماتتىق اۆياتسيا كوميتەتى ءتوراعاسىنىڭ ورىنباسارى سەرىك مۇحتىبايەۆ ايتىپ بەردى.
«ءدال قازىرگى ۋاقىتتا ق ر ينۆەستيتسيالار جانە دامۋ مينيسترلىگى وسى باعىتتا اۋقىمدى جۇمىس جاساپ جاتىر. ازىرگە الەۋەتتى ينۆەستورلارمەن كەلىسسوزدەر جۇرگىزىلۋدە. بۇل ۇزاق، ءارى وتە مۇقيات بولۋدى تالاپ ەتەتىن ۇدەرىس. ماۋسىم ايىندا ناقتى قانداي ينۆەستورلار تارتىلاتىنى بەلگىلى بولادى دەپ وتىرمىز»، - دەدى ول.
ماماننىڭ پايىمداۋىنشا، الەمدىك ستاندارتقا سايكەس كەلەتىن حالىقارالىق جاڭا اۋەجاي ەلىمىزدىڭ اۋە قاتىناسىنىڭ دامۋىنا ۇلكەن سەرپىن بەرمەك.
«حالىقارالىق اۆياتسيالىق حابتىڭ قۇرىلۋى ەڭ باستىسى ەكونوميكالىق اسپەكتىدە وتە ماڭىزدى. جاڭا نىسان ەۋروپا مەن وڭتۇستىك شىعىس ازيانى بايلانىستىراتىن ءىرى ترانزيت تورابى بولادى. ءوزىڭىز ەلەستەتىپ كورىڭىز. ەۋروپادا 370 ميلليون ادام تۇراتىن بولسا، ازيادا 3,5 ميلليارد ادام ءومىر سۇرەدى. وسى ەكى ءىرى ەكونوميكالىق ايماقتىڭ اراسىندا دانەكەر بولۋ ۇلكەن مۇمكىندىكتەر بەرەدى»، - دەدى ول.
جاڭا نىسان قۇرىلىسىنا كىرىسپەس بۇرىن جۇزەگە اسىرىلاتىن جۇمىس كوپ. ونىڭ ءوزى بىرنەشە جىلدارعا سوزىلۋى مۇمكىن.
«الدىمەن قۇرىلىس جۇرگىزىلەتىن جەرگە كولىك قاتىناسىن جاساپ، قاجەتتى ينفراقۇرىلىمدى سالۋ كەرەك. قازىر بىرنەشە كەلىسىمشارتقا قول جەتكىزىلگەن سوڭ عانا شەبەرلىك جوسپارى قۇرىلادى. سوعان سايكەس قۇرىلىسقا قانشا قارجى كەتەتىندىگى، ناقتى جوسپارى دايىن بولادى. وعان بالكىم 5-10 جىل قاجەت بولار. ماسەلەن، گەرمانياداعى اۋەجاي 12 جىل بويى سالىنىپ كەلەدى»، - دەدى س. مۇحتىبايەۆ.
ماماننىڭ پايىمداۋىنشا، الماتىداعى الەمدىك ستاندارتتارعا جاۋاپ بەرەتىن اۋەجاي سالۋ مەملەكەت باسشىسى اتاعان 100 قادامنىڭ بىرنەشەۋىن جۇزەگە اسىرۋعا مۇمكىندىك بەرەدى.
«100 قادام تۇرعىسىندا جاڭا اۋەجاي كوپتەگەن ماسەلەلەردىڭ شەشىمى بولادى. ايتالىق، 57-قادام بويىنشا تۋريستىك كلاستەرلەر قۇرۋدا ۇزدىك تاجىريبەسى بار ستراتەگيالىق ينۆەستورلار تارتۋعا، 67-قادام بويىنشا «ەير استانا» اۋە تاسىمالداۋشى جانە «ق ت ج» (قازاقستان تەمىر جولى) ۇلتتىق كومپانيالارىن ءىرى حالىقارالىق وپەراتور رەتىندە دامىتۋعا مۇمكىندىك تۋادى.
«ەير استانا» ۇلتتىق اۋە تاسىمالداۋشىسىنىڭ دامۋى «ق ت ج» - نىڭ بالامالى مارشرۋتتاردى دامىتۋ جونىندەگى جوسپارىمەن ۇيلەستىرىلەدى، بۇل جۇكتەردى جەتكىزۋ قۇنىن ەكى ەسەدەن استام تومەندەتۋگە مۇمكىندىك بەرەدى. جاڭا نىساننىڭ پايدا بولۋى 68-قادام بويىنشا قازاقستان ارقىلى اۋە ترانزيتىنىڭ تارتىمدىلىعىن ارتتىرۋ ءۇشىن اۋە تاسىمالىن مەملەكەتتىك رەتتەۋ تيىمدىلىگىن جاقسارتۋعا، 73-قادام بويىنشا قارجى ورتالىعىنىڭ حالىقارالىق كولىكتىك قولجەتىمدىلىگىن قامتاماسىز ەتۋگە، قارجى ورتالىعىنىڭ جەتەكشى قارجى ورتالىقتارىمەن جۇيەلى جانە جايلى اۋە قاتىناسى جۇيەسىن قۇرۋعا مۇمكىندىك بەرەدى»، - دەدى سەرىك مۇحتىبايەۆ.
اۆتور: گۇلميرا عوسمانالي
