كورنەكتى مەملەكەت جانە قوعام قايراتكەرى جۇمابەك تاشەنوۆتىڭ تۋعانىنا - 100 جىل

None
None
استانا. قازاقپارات - الاشتىڭ اسىل تۇلعالارىمەن قاتار اتالاتىن ۇلدارىنىڭ ءبىرى - جۇمابەك احمەت ۇلى تاشەنوۆ.

ۇلتىنىڭ باسىنا كۇن تۋعان، قيىن كەزدەرىندە قاسىنان تابىلعان جۇمابەك قازاق جەرىنىڭ تەلىم- تەلىم بولىپ، ۇستاعاننىڭ قولىندا، تىستەگەننىڭ تىسىندە كەتپەۋى ءۇشىن جان اياماي كۇرەسكەن ۇلى وتانشىل.

اتا-بابا اماناتىنا ادالدىعىمەن، جەرىن جاتقا بەرۋگە قارسى جان اياماي كۇرەسكەن ەرلىگىمەن، ءوز ەلىنە ادال ازاماتتىعىمەن ەستە قالعان قايسار ازامات.

 كورنەكتى مەملەكەت جانە قوعام قايراتكەرى جۇمابەك تاشەنوۆ 1915 - جىلى 20 - ناۋرىزدا قازىرگى اقمولا وبلىسى ارشالى اۋدانى باباتاي اۋىلىندا دۇنيەگە كەلگەن.

اقمولا قۇرىلىس تەحنيكۋمىن (1932)، ك و ك پ و ك جانىنداعى جوعارى پارتيا مەكتەبىن (1955) بىتىرگەن. ەكونوميكا عىلىمىنىڭ كانديداتى.

1934- 1939 - جىلدارى بەينەتقور اۋدانى اتقارۋ كوميتەتىنىڭ حاتشىسى، اۋدان جەر ءبولىمىنىڭ مەڭگەرۋشىسى، 1939 - 1943 - جىلدارى اقمولا وبلىسى جەر ءبولىمى باستىعىنىڭ ورىنباسارى، 1944 - 1947 - جىلدارى سولتۇستىك قازاقستان وبلىسى پارتيا كوميتەتى حاتشىسىنىڭ ورىنباسارى، مال شارۋاشىلىعى ءبولىمىنىڭ مەڭگەرۋشىسى، 1947 - 1948 - جىلدارى سولتۇستىك قازاقستان وبلىسى اتقارۋ كوميتەتى ءتوراعاسىنىڭ ورىنباسارى، ءتوراعاسى (1948 - 1952)، 1952 - 1955 -جىلدارى اقتوبە وبلىسى پارتيا كوميتەتىنىڭ 1-حاتشىسى، 1955 -19 60 -جىلدارى قازاق ك س ر- ى جوعارعى كەڭەسى ءتورالقاسىنىڭ ءتوراعاسى، 1960 - 1961 -جىلدارى قازاق ك س ر- ى مينيسترلەر كەڭەسىنىڭ ءتوراعاسى قىزمەتتەرىن اتقاردى.

تاشەنوۆ رەسپۋبليكانىڭ ساياسي، ەكونوميكالىق، مادەني دامۋىنا باسشىلىق جاساعان جىلدارى قازاق مەملەكەتىنىڭ اۋماق تۇتاستىعىنىڭ ساقتالۋىنا كوپ ەڭبەك ءسىڭىردى. ماڭعىستاۋدى تۇرىكمەنستانعا قوسۋ جونىندەگى ۇسىنىستارعا تويتارىس بەردى. تىڭ ولكەسىنە بىرىكتىرىلگەن سولتۇستىك وبلىستاردى رەسەيگە ، وڭتۇستىك قازاقستاننىڭ ماقتا ەگەتىن اۋداندارىن وزبەكستانعا بەرۋگە قارسى شىقتى. قازاقستان جەرىندە يادرولىق جارىلىستار جاساۋعا قارسىلىق ءبىلدىردى. شىعارماشىلىق وداقتار وكىلدەرىنە ءۇي- پاتەر بەرگەندىگى ءۇشىن الماتىنىڭ ورتاسىندا «قازاق اۋىلىن» قۇردى دەپ ايىپتالدى.

«قازاق ادەبيەتى» گازەتىن جابۋدان، «سوتسياليستىك قازاقستان» گازەتىن «كازپراۆدانىڭ» اۋدارماسى ەتىپ شىعارىلۋ قاۋپىنەن قورعاپ قالدى. «ۇلتشىل» دەپ ايىپتالىپ، ن. حرۋشەۆتىڭ نۇسقاۋىمەن قىزمەتىنەن بوساتىلدى. 1961 - 1975 - جىلدارى شىمكەنت (قازىرگى وڭتۇستىك قازاقستان) وبلىسى اتقارۋ كوميتەتى ءتوراعاسىنىڭ ورىنباسارى بولدى. 1975 -جىلى وداقتىق دارەجەدەگى دەربەس زەينەتكەرلىككە شىقتى. ءومىرىنىڭ سوڭعى كەزەڭىندە «قاراكول» عىلىمي- زەرتحانالىق ينستيتۋتىندا، وڭتۇستىك قازاقستان وبلىسى تالداۋ- ەسەپتەۋ ورتالىعىندا قىزمەت اتقاردى. لەنين، ەڭبەك قىزىل تۋ، «قۇرمەت بەلگىسى» وردەندەرىمەن ماراپاتتالعان.

سوڭعى جاڭالىقتار