مەملەكەت باسشىسى: 100 الەمدىك كومپانيا قازاقستانعا ينۆەستيتسيا قۇيۋعا دايىن
بۇل تۋرالى بۇگىن قازاقستان پرەزيدەنتى نۇرسۇلتان نازاربايەۆ ءبىرقاتار قازاقستاندىق ب ا ق وكىلدەرىمەن سۇحباتى بارىسىندا ءمالىم ەتتى.
«كەلەسى جىلدىڭ باسىندا ءبىرىنىشى بەسجىلدىقتى اياقتاعاندا، ەكىنشى بەسجىلدىق جاساقتالدى، يننوۆاتسيالىق. ەندى ءبىز كاسىپورىنداردىڭ ءتىپتى جاڭا ۇلگىلەرىن شىعارۋعا تالپىنامىز. قازىر 100 الەمنىڭ ءىرى كومپانياسى وسى باعدارلاما اياسىندا قازاقستانعا قاراجات قۇيۋعا دايىن»، - دەدى ول.
پرەزيدەنتتىڭ ايتۋىنشا، دۇنيەدە 7 ميلليارد حالىق تۇرادى. 3 ميلليارد ادام جۇمىس ىستەگىسى كەلەدى. ولاردىڭ ىشىندە تەك 1 ميلليارد 200 ميلليون ادامدا عانا جۇمىس بار. «ۇشتەن ەكىسى ەكى قولىنا ءبىر كۇرەك تابا الماي ءجۇر. وسىنىڭ اينالاسىندا قاقتىعىستار، سوعىستار ورىن الۋدا، ادامدار تۋعان قونىسىن اۋىستىرۋعا ءماجبۇر. سوندىقتان يندۋستريالاندىرۋ بۇل ەڭ باستىسى - جاڭا جۇمىس ورىندارىنىڭ اشىلۋى»، - دەدى ەلباسى.
مەملەكەت باسشىسىنىڭ اتاپ وتكەنىندەي، ۇلكەن وندىرىستەر، كەرىسىنشە، جۇمىس ورىندارىن قىسقارتاتىن بولادى. «يننوۆاتسيالار، دروندار، روبوتتار، ءوندىرىستى اۆتوماتتاندىرۋ جۇمىس ورىندارىن كەمىتەدى، ەڭبەك ونىمدىلىگىن ارتتىرىپ، ەڭبەك قۇنىن ازايتادى. ال 10-15 ادامدىق كىشى بيزنەس پەن 200-300 جۇمىس ورىندى قامتاماسىز ەتە الاتىن ورتا بيزنەس - ادام ءال- اۋقاتىن كوتەرەتىن، جۇمىپەن قامتاماسىز ەتەتىن سالالار»، - دەدى ول.
ونىڭ ايتۋىنشا، يندۋستريالاندىرۋدىڭ العاشقى بەسجىلدىعى 2008 - جىلى باستالدى. « يندۋستريالاندىرۋ ماسەلەسى قاي- قاي مەملەكەتكە بولسا دا وتە اۋىر. وڭتۇستىك كورەيا، قىتاي، وزگە دە ەلدەر وسىنى باستان كەشتى. ولاردىڭ بۇعان 30-40 جىل ۋاقىتتارى كەتتى. يندۋستريالاندىرۋدىڭ العاشقى بەسجىلدىعى بىزگە نە بەردى؟ يندۋستريالاندىرۋدىڭ العاشقى بەسجىلدىعى بىزگە نە بەردى؟! ءبىز باسىن باستادىق. قازاقستاندا ەڭ العاشقى 700 ونەركاسىپ سالدىق، 50 مىڭ جاڭا جۇمىس ورنى اشىلدى جانە ەلىمىزدە بۇرىن- سوڭدى شىعارىلماعان 400 جاڭا ءونىم شىعارا باستادىق»، - دەپ ءتۇيدى ءسوزىن پرەزيدەنت.
جاسۇلان جولدىبايەۆ
