ەكسپو- قالاشىقتاعى سۋدى تازارتۋ جانە قوقىستى وڭدەۋ زاۋىتىنىڭ قۇنى 100 ميلليون دوللار بولماق
بۇل تۋرالى بۇگىن ەكسپو-2017 حالىقارالىق مامانداندىرىلعان كورمەسىنە دايىندىق شەڭبەرىندە «استانا ەكسپو-2017» ۇلتتىق كومپانياسى مەن «پاراسات» ۇلتتىق عىلىمي- تەحنولوگيالىق حولدينگى» ا ق ىنتىماقتاستىق تۋرالى مەموراندۋمعا قول قويۋ بارىسىندا «استانا ەكسپو-2017» ۇلتتىق كومپانياسىنىڭ باسقارما ءتوراعاسى تالعات ەرمەگيايەۆ ايتتى.
«زاۋىت قۇرىلىسىنا ۇلتتىق كومپانيا 25 ميلليون دوللار بولەدى. ال قالعان 75 ميلليون دوللار جەكە ينۆەستورلاردىڭ قاراجاتىنان قۇيىلادى»، - دەپ اتاپ ءوتتى ت. ەرمەگيايەۆ.
ونىڭ ايتۋىنشا، زاۋىتتا كارىز سۋىن سۇزگىدەن وتكىزىپ، ونى تەحنيكالىق قاجەتتىلىككە پايدالانۋ كوزدەلۋدە. زاۋىتتىڭ ەكىنشى قىزمەتى - قوقىستى وڭدەۋ بولماق. ەكسپو- قالاشىقتاعى ءاربىر عيماراتتا قوقىستى سورىپ الىپ، نىعىزداپ، جاڭاعى زاۋىتقا جەتكىزىپ تۇراتىن ارنايى ترۋبالار بولادى. سول قوقىس زاۋىتتا وڭدەلەتىن بولادى.
«قازىر زاۋىتتى جوسپارلاۋ جۇمىستارى ءجۇرىپ جاتىر، قۇرىلىس جىل سوڭىنا دەيىن باستالادى»، - دەپ اتاپ ءوتتى ت. ەرمەگيايەۆ.
