وسكەمەننەن 100 مىڭىنشى «نيۆا» شىعارىلدى - فوتو
جولسىزبەن جۇرەتىن كولىكتىڭ كونۆەيەردەن مەرەيتويلىق شىعارىلىمى سالتاناتىنا «ازيا اۆتو» ا ا ق پرەزيدەنتى بۋ اندەرسسون، ينۆەستيتسيالار جانە دامۋ ۆيتسە-ءمينيسترى البەرت راۋ، ش ق و اكىمى بەردىبەك ساپاربايەۆ، بيپەك «اۆتو» كومپانياسى توبىنىڭ ديرەكتورلار كەڭەسىنىڭ ءتوراعاسى اناتولي بالۋشكين، «ازيا اۆتو قازاقستان» ا ق باس ديرەكتورى ەرجان مانديەۆ قاتىستى.
سالتاناتتى راسىمگە قاتىسۋشىلار كاسىپورىننىڭ ەڭبەك ۇجىمىن ماشينا قۇرىلىسى كۇنىمەن جانە مەرەيتويلىق ءاۆتوموبيلدىڭ شىعارىلۋىمەن قۇتتىقتادى.
سالتاناتتى شارا اياقتالعاننان كەيىن تاراپتار تولىق سيكلدى «ازيا اۆتو قازاقستان» بىرلەسكەن اۆتوموبيل زاۋىتى قۇرىلىسى ءجۇرىپ جاتقان الاڭعا باردى. جىلىنا 120 مىڭ اۆتوموبيل شىعاراتىن بۇل زاۋىت 2016-جىلى ىسكە قوسىلماق. بىرلەسكەن ءونىمنىڭ 25 پايىزى رەسەيلىك «اۆتوۆاز-عا» ، ال 75 پايىزى قازاقستاندىق «بيپەك اۆتو» كومپانياسىنا تيەسىلى.
