اۋىلداعى كاسىپكەرلەردىڭ قولىنا «شاعىن بيزنەسكە ارنالعان 100 جوبا» تاراتىلدى
بۇل مۇمكىندىككە قىزىلوردا وبلىسىنىڭ كاسىپكەرلەر پالاتاسى ىقپال ەتىپ وتىر.
وسىعان وراي پالاتانىڭ قازالى اۋدانىنداعى فيليالى ورتالىق كىتاپحانادا اتالمىش كىتاپتى كاسىپكەرلەر مەن كاسىبىن باستايمىن دەۋشىلەرگە سالتاناتتى تۇردە تابىستادى.
بۇل تۋرالى قىزىلوردا وبلىستىق كاسىپكەرلەر پالاتاسىنىڭ باسپا ءسوز قىزمەتى حابارلادى.
كەزدەسۋ بارىسىندا قىزىلوردا وبلىسىنىڭ كاسىپكەرلەر پالاتاسىنىڭ قازالى اۋدانىنداعى فيليال ديرەكتورى ەرمەك ايماحانوۆ ۇلتتىق كاسىپكەرلەر پالاتاسىنىڭ، ونىڭ اۋدانداعى فيليالىنىڭ اتقاراتىن قىزمەتتەرى جايلى جانە اۋداننان اشىلعان كاسىپكەرلىكتى قولداۋ ورتالىعىنىڭ جۇمىسى جايلى اقپارات بەردى. سونىمەن قاتار، ەلباسىنىڭ تاپسىرماسىمەن ەلىمىزدە العاش رەت جارىققا شىققان «شاعىن بيزنەسكە ارنالعان 100 جوبا» انىقتامالىق كىتابىنىڭ مازمۇنىمەن تانىستىردى.
«كەز كەلگەن كاسىپكەر ۇنەمى ىزدەنىس ارقىلى ءبىلىمىن شىڭداپ وتىرۋى ءتيىس جانە بۇل رەتتە اتالعان كىتاپتىڭ كاسىپكەرلەر ءۇشىن ماڭىزدىلىعى زور. كاسىبىن باستايمىن دەگەن حالىققا انىقتامالىقتا دايىن بيزنەس- جوسپارلار بار. ولار قولىندا بار قارجىعا ءوز كاسىبىن يكەمدەپ اشۋلارىنا بولادى. ال ءبىز جوبالارعا جەتەلەۋ، قولداۋ جۇمىستارىن كورسەتەتىن بولامىز. سونىمەن قاتار، كاسىپكەرلەر پالاتاسىندا بيزنەس- جوسپاردى جاساۋ تەگىن قىزمەت ءتۇرى بولىپ تابىلاتىندىعىم جەتكىزگىم كەلەدى» ، - دەدى فيليال ديرەكتورى ەرمەك ايماحانوۆ.
«شاعىن بيزنەسكە ارنالعان 100 جوبا» كىتابى ورتالىق كىتاپحاناعا، اۋىلدىق وكرۋگ كىتاپحانالارىنا، ارناۋلى مامانداندىرىلعان مەكەمەلەرگە جانە جاس كاسىپكەرلەرگە سالتاناتتى تۇردە تابىس ەتىلدى.
ايتا كەتەيىك، «شاعىن بيزنەسكە ارنالعان 100 جوبا» كىتابى قىزىلوردا وبلىسىنىڭ كاسىپكەرلەر پالاتاسىنا جەتكىزىلىپ، بارلىق اۋداندىق فيليالدار مەن وقۋ ورىندارىنا، بيزنەسمەندەر مەن بيزنەسىن باستاۋعا نيەتتى حالىققا تەگىن تاراتىلعان بولاتىن. 
