شاكەن ايمانوۆتىڭ 100 جىلدىعى يۋنەسكو ەستەلىك كۇندەرى تىزىمىنە ىلىكتى
پاۆلودار وبلىسى مادەنيەت باسقارماسىنىڭ اقپاراتى بويىنشا، قازاقستاندىق كينەماتوگراف ءۇشىن ەرەكشە بولىپ سانالاتىن 22 - تامىز كۇنى «جۇلدىزدى جاسىباي» اتتى رەترو-فەستيۆالدىڭ اشىلۋى وتكىزىلەدى، دەپ جازادى ق ر مادەنيەت مينيسترلىگىنىڭ باسپا ءسوز قىزمەتى.
«جۇلدىزدى جاسىباي» ءداستۇرلى فەستيۆالى وسى جىلى قازاقستاندىق كينونىڭ اڭىزىنا ارنالىپ، شاكەن ايمانوۆتىڭ تۋعان جەرى باياناۋىل اۋدانىنىڭ جاسىباي كولى جاعاسىندا وتكىزىلمەك.
بيىلعى رەترو-فەستيۆالدىڭ باعدارلاماسى وتە قىزىق جانە مازمۇندى. قازاقستاندىق جۇلدىزدار شاكەن ايمانوۆ كينوفيلمدەرىندەگى اندەردى ورىندايتىن بولادى.
فەستيۆال قوناقتارىنىڭ اراسىندا كەش You «رينگو» جانە «ايۋمي» توپتارى، ساحنا ارتىستەرى ەركە ەسماحان، رينات مالتساگوۆ، مەرۋەرت تۋسىپبايەۆا، جۇرگىزۋشىلەر بايان ەسەنتايەۆا، تۇرسىنبەك قاباتوۆ، كينواكتەرلەر عاني قۇلجانوۆ، گۇلباۋشان تىلەۋبەكوۆا جانە باسقالارى بولماق.
قازاقستاندىق رەجيسسەردىڭ 100 جىلدىق مەرەيتويى يۋنەسكو ۇيىمىنىڭ ەستەلىك كۇندەر كۇنتىزبەسىنە ەنگىزىلگەنىن ەسكە سالامىز.
