ومىرگە 100 ميلليونىنشى تۇرعىن كەلدى

استانا. قازاقپارات - جەننالين سەنتينو (Jennalyn Sentino) ەسىمدى نارەستە فيليپپيننىڭ 100 ميلليونىنشى ازاماتى دەپ تانىلىپ وتىر. ول 27- شىلدەدە تۇندە ارحيپەلاگتا تۋعان ءجۇز بالانىڭ ءبىرى، دەپ حابارلايدى Agence France-Presse.

«بۇل ءبىزدىڭ الدىمىزدا تۇرعان مۇمكىندىك جانە جاڭا شاقىرۋلار. سەبەبى حالىق سانىنىڭ ءوسۋى، جۇمىس كۇشىن ارتتىرادى، ءبىر جاعىنان مەملەكەت اسىراۋشىلارىنىڭ سانى دا كوبەيە تۇسپەك دەگەن ءسوز. سەبەبى ەلىمىزدە 25 پايىز حالىق كەدەيشىلىكتە ءومىر سۇرەدى»، - دەيدى فيليپپيننىڭ حالىق ساناعى كوميسسياسىنىڭ اتقارۋشى باسشىسى حۋان انتونيو پەرەس.

كىشكەنتاي قىزدىڭ اكەسى 45 جاستاعى جۇك كولىگىنىڭ جۇرگىزۋشىسى كليمەنتە سەنتينو ءوز بالاسىن عانا ەمەس، سونىمەن قاتار ونىڭ اناسىن دا اسىراي الاتىندىعىن ايتۋدا. ايتپاقشى، كلەمەنتە مەن ونىڭ 27 جاستاعى زايىبى دايلين سابيگايان رەسمي تۇردە ۇيلەنبەگەن. «ءبىراق ول ولقىلىقتى تۇزەتۋ جوسپاردا بار»، - دەيدى ول.

«ايقىن»