قىرعىزدار 100 كيىز ءۇي تىگەدى

استانا. قازاقپارات - قىرعىزستاننىڭ سەمەنوۆسكوە شاتقالىندا كوشپەندىلەردىڭ دۇنيەجۇزىلىك ويىندارىنا 100 كيىز ءۇي تىگىلەدى.
None
None

 «قىرعىزستاندا 8-14-  قىركۇيەك ارالىعىندا ىستىق- كول كولىنىڭ جاعاسىندا وتەتىن كوشپەندىلەردىڭ دۇنيەجۇزىلىك ويىندارىن وتكىزۋ شارالارىنا جۇمىلدىرىلعان مەملەكەتتىك ورگانداردىڭ كەڭەسى بولىپ ءوتتى.

كەڭەس بارىسىندا سەمەنوۆسكوە شاتقالىندا قىرشىن جايلاۋىندا 100 كيىز ءۇي تىگىلەتىن بولدى» ، - دەپ حابارلادى ىستىق- كول وبلىسىنداعى ۇكىمەتتىڭ وكىلەتتى وكىلىنىڭ باسپا ءسوز حاتشىسى ءنازيرا مۇقانبەتوۆا.

كوشپەندىلەردىڭ دۇنيەجۇزىلىك ويىندارىنا قىرعىزداردان باسقا، قازاقستاننان، تۇركيادان، وزبەكستاننان، تاجىكستان، تۇركمەنستاننان، گاگاۋزيا، ازەربايجان مەن موڭعوليادان دەلەگاتسيالار قاتىسادى دەپ كۇتىلۋدە.

كوشپەندىلەردىڭ دۇنيەجۇزىلىك ويىندارى - وليمپيالىق، ازيا جانە پاراليمپيالىق ويىنداردىڭ بالاماسى. كوشپەندىلەردىڭ دۇنيەجۇزىلىك ويىندارى باعدارلاماسىنا كوكپار، توگۋز- كورگوول، كىرگىز كۋروشۋ، الىش، وودارىش، ات- چابىش، جورگو- سالىش، كۋنانچابىش، وردو، كىز- كۋۋماي، تىيىن ەنمەي، كۋلاتۋۋ، سالبۋۋرۋنسىندى ويىن تۇرلەرى ەنگىزىلگەن.

 بۇرىن حابارلانعانداي، جارىستاردى وتكىزۋ تۋرالى كەلىسىمگە 2012 - جىلى بىشكەكتە تۇركىتىلدەس مەملەكەتتەر باسشىلارىنىڭ سامميتىندە قول جەتكىزىلگەن. كوشپەندىلەردىڭ دۇنيەجۇزىلىك ويىندارى سپورتتىڭ ەتنيكالىق تۇرلەرىن ناسيحاتتاۋ ارقىلى ونى ساقتاۋدى ماقسات ەتىپ وتىر. ويىنداردى جىل سايىن ءار ەلدە وتكىزۋ جوسپارلانۋدا.

 دۋاناباي جولداسبەك

«ايقىن»

سوڭعى جاڭالىقتار