قازاقستاندا ورتاشا جالاقى كولەمى 100 مىڭ تەڭگە

استانا. قازاقپارات  -قازاقستاندا ورتاشا جالاقى كولەمى 100 مىڭ تەڭگە شاماسىندا، - دەپ حابارلايدى Tengrinews.kz ءتىلشىسى HeadHunter كومپانياسىنىڭ زەرتتەۋىنە سىلتەمە جاساپ.
None
None

زەرتتەۋشىلەر ەلىمىزدەگى جۇمىس بەرۋشىلەر ءجيى ۇسىناتىن جالاقى مولشەرى دياپازونىن انىقتادى.

2014 - جىلدىڭ ماۋسىم ايىندا ۆاكانسيا حابارلاندىرۋلارىنىڭ جارتىسىنا جۋىعىندا (%48,8) 100 مىڭنان 200 مىڭ تەڭگەگە دەيىنگى جالاقى شاماسى كورسەتىلگەن. ءاربىر بەسىنشى ۆاكانسيادا (%20,7) ەڭبەكاقى مولشەرى - 200-300 مىڭ تەڭگە. تاعى وسىنشا بوس جۇمىس ورنى 100 مىڭ تەڭگە جالاقىمەن ۇسىنىلعان. جۇمىس بەرۋشىلەر ۇسىنعان ۆاكانسيالاردىڭ %8,1 ىنىڭ جالاقىسى - جارتى ميلليون تەڭگە شاماسىندا. ۆاكانسيالاردىڭ تاعى%2,8 ى بويىنشا جۇمىس بەرۋشىلەر 500 مىڭ تەڭگەدەن اساتىن جالاقى ۇسىنىپ وتىر.

«2014 - جىلدىڭ ماۋسىم ايىندا جالاقىعا قاتىستى ۇسىنىستاردىڭ ورتا شاماسى 105 600 تەڭگە كولەمىندە بولدى. جاز مەزگىلىندە ماۋسىمدىق جانە ۋاقىتشا ۆاكانسيالار كوبەيەدى، ولاردىڭ جالاقىسى كوبىنە تاۋلىك نە ماۋسىم بويىنشا تولەنەدى، ءاربىر بەسىنشى ۇسىنىس بويىنشا جالاقى مولشەرى 100 مىڭ تەڭگەگە دەيىن بارادى»، - دەيدى HeadHunter كومپانياسىنىڭ ماركەتينگ جانە PR جونىندەگى ديرەكتورى اسەل بەجەنوۆا.

HeadHunter - ءدىڭ مالىمەتىنشە، زەرتتەۋ بارىسىندا  12493 ۇسىنىسقا تالداۋ جاسالعان، ولاردىڭ 6266 سىندا جالاقى مولشەرى كورسەتىلگەن.

 ايتا كەتەيىك، ق ر ستاتيستيكا اگەنتتىگىنىڭ مالىمەتىنشە، قازاقستاندا 2014 - جىلدىڭ مامىر ايىندا ورتاشا جالاقى كولەمى  120479 تەڭگە بولدى، ناۋرىز ايىندا ەلىمىزدە جالاقى %12 عا كوبەيگەن.

 

.

سوڭعى جاڭالىقتار