ەلىمىزدە بالالاردى قورعاۋ كۇنى 1000-نان استام شارا وتەدى
ەلىمىزدە بالالاردىڭ قاۋىپسىزدىگىن قامتاماسىز ەتۋدە بارلىق قۇرىلىمداردىڭ، قوعامنىڭ، بيزنەس پەن باق وكىلدەرىنىڭ كۇش- جىگەرىن بىرىكتىرۋ ماقساتىندا «بالالار يگىلىگى ءۇشىن!» رەسپۋبليكالىق اكسياسى اياسىندا ءبىرقاتار ءىس- شارالار جوسپارلانعان.
قازاقستاننىڭ بارلىق ايماقتارىندا 1000-نان استام ءتۇرلى ءىس- شارالار وتكىزىلىپ، وعان 3 ميلليوننان استام بالا مەن اتا- انا قاتىسادى. بۇل رەسپۋبليكانىڭ بارلىق قالالارى مەن وبلىس ورتالىقتارىنىڭ ساياباقتارىندا بالالارعا ارنالعان گالا- كونسەرتتەر، مادەني- ويىن- ساۋىق باعدارلامالارى، مۇراجايلارعا، ساياباقتارعا، تەاترلارعا، سپورت نىساندارىنا بارۋ جانە ت. ب.
ءبىرقاتار وبلىستاردا «BALAFEST» بالالار فەستيۆالىن وتكىزۋ جوسپارلانىپ وتىر. ءىس- شارا قورىتىندىسى بويىنشا جەڭىمپازدار ماراپاتتالادى.
سونداي- اق جەتىم- بالالارعا، اتا- انا قامقورلىعىنسىز قالعان بالالارعا جانە جەكەلەگەن ساناتتاعى وتباسىلاردىڭ بالالارىنا اتاۋلى الەۋمەتتىك قولداۋ كورسەتۋ ماقساتىندا «مەيىرىمدىلىك - بالالارعا» قايىرىمدىلىق اكسياسى ۇيىمداستىرىلادى. وقۋشىلار اراسىندا «تۋعان ەلگە تاعزىم!» جانە «انا ءتىلىم - تىرەگىم!» اتتى رەسپۋبليكالىق چەللەندجدەر وتكىزىلەدى.
تولىعىراق اقپارات وبلىستاردىڭ ءبىلىم باسقارمالارىنىڭ سايتتارىندا ورنالاستىرىلعان.
