قازاقستاننان قىرعىزستانعا كومەك رەتىندە 1000 توننا بيداي تۇقىمى جەتكىزىلدى

بۇل تۋرالى قازاقپارات ق ر سىرتقى ىستەر مينيسترلىگىنىڭ باسپا ءسوز قىزمەتىنە سىلتەمە جاساپ حابارلايدى.

جۇكتى تاپسىرۋ ءراسىمى «بىشكەك-1» تەمىر جول ستانساسىندا قازاقستاننىڭ قىرعىزستانداعى ەلشىسى ءراپىل جوشىبايەۆ پەن قىرعىزستاننىڭ اۋىل شارۋاشىلىعى ءمينيسترى اسكاربەك دجانىبەكوۆتىڭ قاتىسۋىمەن ءوتتى.

مينيستر ىرىكتەلگەن بيداي تۇقىمدارىمەن قامتاماسىز ەتۋدە قولداۋ كورسەتكەنى ءۇشىن قازاقستان تاراپىنا شىنايى ريزاشىلىعىن ءبىلدىردى جانە بۇل ەل فەرمەرلەر شىعاراتىنىن ءونىمنىڭ ساپاسى مەن ونىمدىلىگىنىڭ وسۋىنە اسەر ەتەدى.

«ىرىكتەلگەن تۇقىم تۇرىندەگى ىزگىلىك كومەك وتاندىق تۇقىم ساپاسىن ارتتىرادى. «قارابالىق-20» سورتىنىڭ قازاقستاندىق تۇقىمدارى سەبۋ ستاندارتىنىڭ ءبىرىنشى ساناتىنا مىناداي سورتتىق جانە سەبۋ ساپاسىمەن سايكەس كەلەدى: ىلعالدىلىعى - % 14- تەن اسپايدى، ونگىشتىگى - % 95- تەن كەم ەمەس، سورتتىق تازالىعى - % 99,7- تەن كەم ەمەس. تۇقىمدار كارانتيندىك ارامشوپتەردەن، اۋرۋلاردان جانە كەز كەلگەن بوتەن يىستەردەن تازارتىلعان»، - دەپ اتاپ ءوتتى ا. دجانىبەكوۆ.

ءوز كەزەگىندە ەلشى ىزگىلىك جۇكتى جەتكىزۋدى قازاقستان ۇكىمەتى مەملەكەت باسشىسىنىڭ قىرعىزستان پرەزيدەنتى سادىر جاپاروۆپەن كەلىسسوزدەرىنىڭ ناتيجەسىمەن بەرگەن تاپسىرماسىنا سايكەس ۇيىمداستىرعانىن اتاپ ءوتتى.

قازاقستان باسشىلىعى قىرعىزستاننىڭ وتىنىشتەرىنە تۇسىنىستىكپەن قاراپ، ماڭىزدى الەۋمەتتىك- ەكونوميكالىق ماسەلەلەردى شەشۋگە بارىنشا ىقپال ەتتى جانە ەلەۋلى ىزگىلىك كومەك كورسەتتى. اتاپ ايتقاندا، 2020 -جىلعى مامىردا 5 مىڭ توننا كولەمىندە قازاقستاندىق ۇندى جەتكىزۋ تۇرىندە، ال ءبىر جىلدان كەيىن، 2021 -جىلدىڭ مامىر ايىندا 10 مىڭ توننا ۇن تۇرىندە ىزگىلىك كومەك جىبەرىلدى. ايتا كەتەرلىگى، ءىس- شارا ناۋرىز مەيرامى قارساڭىندا وتۋدە، ول حالىقتارىمىز ءۇشىن ءاردايىم جاڭارۋدىڭ، العا جىلجۋدىڭ، ورلەۋ مەن دامۋدىڭ نىشانى بولىپ تابىلادى. «قازاق قىرعىز ءبىر تۋعان» دەگەن قاناتتى ءسوز بەكەر ايتىلماعان. باۋىرلاس ەكى ەلدىڭ ىنتىماعى ودان ءارى نىعايا بەرەتىنىنە سەنىمدىمىن» - دەپ اتاپ ءوتتى ەلشى ر. جوشىبايەۆ.