الماتى وبلىسىندا ءبىر تاۋلىك ىشىندە 1000 نان استام قۇقىق بۇزۋشىلىق اشكەرەلەندى
«قۇقىقتىق ءتارتىپ» جەدەل- الدىن الۋ ءىس- شاراسى بارىسىندا ءتارتىپ ساقشىلارىنىڭ ءبىر كۇندىك قىزمەتىنىڭ ناتيجەسى وسىنداي بولدى. ءىس-شارا قوعامدىق ءتارتىپتى ساقتاۋعا، كوشەلەر مەن قوعامدىق ورىندارداعى قىلمىستاردىڭ الدىن الۋعا جانە ونىڭ جولىن كەسۋگە باعىتتالعان.
«بۇل كۇندەرى الماتى وبلىسىنىڭ پوليتسيا قىزمەتتەرى مەن بولىمشەلەرىنىڭ جەكە قۇرامى كۇشەيتىلگەن تارتىپتە قىزمەت اتقارۋدا. بارلىق جەردە ءار اۋداننىڭ پوليتسيا باسقارمالارىندا پوليتسيانىڭ كەشەندى جانە بەرىلگەن كۇشتەرىنىڭ ءبىرىڭعاي تاراتىلىمى جۇرگىزىلەدى. ول جەردە كومانديرلەر ولاردى ۋچاسكەدەگى اعىمداعى كريمينوگەندىك جاعداي تۋرالى مىندەتتى تۇردە حاباردار ەتەدى، اشىلماعان قىلمىستار بويىنشا باعدار بەرەدى، سونداي- اق، ادەتتە، كوشەلەر مەن قوعامدىق ورىنداردا جاسالاتىن اكىمشىلىك بۇزۋشىلىقتاردىڭ الدىن الۋ جانە انىقتاۋ بويىنشا مىندەتتەر قويادى. ناقتى ايتساق، وبلىس بويىنشا كەزەكشى تاۋلىك ىشىندە ساپتىق جانە جەدەل بولىمشەلەردىڭ كۇشىمەن 32 قىلمىستىڭ «ءىزى سۋىماي» جانە بۇرىن جاسالعان 19 قىلمىس اشىلدى. ولاردىڭ قاتارىندا توناۋ، بۇزاقىلىق، ەسىرتكى زاتتارىن ساتۋ، بوتەننىڭ مۇلكىن ۇرلاۋ، زورلاۋ، الاياقتىق، سۋىق جانە اتىس قارۋىن زاڭسىز ساقتاۋ فاكتىلەرى، وزگەنىڭ كولىگىن ايداپ اكەتۋ جانە ت. ب. بار»، - دەدى الماتى وبلىسى پ د باستىعىنىڭ ءبىرىنشى ورىنباسارى پوليتسيا پودپولكوۆنيگى سەرىك جۇنىسبەكوۆ.
سونىمەن قاتار، پوليتسيا قۇقىق بۇزۋشىلىق جاساعانى ءۇشىن 1029 ادامنىڭ اكىمشىلىك جاۋاپكەرشىلىككە تارتىلعانىن حابارلادى. ولاردىڭ ەڭ كوپ تىركەلگەن قۇقىق بۇزۋشىلىقتاردىڭ ءبىرى - ۇساق بۇزاقىلىق جانە قوعامدىق ورىنداردا سپيرتتىك ىشىمدىكتەر ءىشۋ.
«وسى جۇمىس اياسىندا ءاربىر اۋلانى ارالاۋ جۇزەگە اسىرىلادى. سونىمەن قاتار، جەدەل- پروفيلاكتيكالىق ءىس-شارالار كەزىندە جەرگىلىكتى پوليتسەيلەر مىندەتتى تۇردە ەسەپكە الىنعان جانە بۇرىن سوتتالعان ازاماتتاردى، ال يۋۆەنالدى پوليتسيا قىزمەتكەرلەرى تۇرمىسى تومەن وتباسىلاردى تەكسەرەدى. كەشەندى نەگىزدە بۇل جۇمىس وبلىستاعى كريمينوگەندىك جاعدايدى ايتارلىقتاي جاقسارتۋعا، سونداي- اق كەز كەلگەن سيپاتتاعى قۇقىق بۇزۋشىلىقتىڭ الدىن الۋعا مۇمكىندىك بەرەدى»، - دەپ قورىتىندىلادى پودپولكوۆنيك سەرىك جۇنىسبەكوۆ.
اۆتور: سامال قابىشەۆا
