قازاقستاننىڭ قارۋلى كۇشتەرىندە 1000 پولكوۆنيك قىزمەت ەتەدى-فوتو
ق ر قورعانىس مينيسترلىگىنىڭ «قازاقپارات» اگەنتتىگىنە بەرگەن رەسمي جاۋابىندا وسىنداي مالىمەتتەر كەلتىرىلدى.
جالپى قازاقستاننىڭ قارۋلى كۇشتەرى قۇرلىقتاعى اسكەر، اۋە قورعانىسى مەن اسكەري- تەڭىز كۇشتەرىنەن تۇرادى. سونىمەن قاتار ارنايى ستراتەگيالىق ماقساتتارعا يە اسكەرلەر قۇرىلدى. ولاردىڭ ىشىنە ايەروموبيلدى اسكەر، زىمىران اسكەرى جانە ارتيللەريا، ارنايى اسكەر كىرەدى. ەلدىڭ اكىمشىلىك شەكارالارىندا ايماقتىق قولباسشىلىقتار قۇرىلعان: «استانا»، «شىعىس»، «باتىس»، «وڭتۇستىك».
سونىمەن قاتار، بىتىمگەرلىك جاساقتار بار. رەسپۋبليكادا بىتىمگەرشىلىك وپەراتسيالارعا دايىندايتىن ورتالىق جۇمىس ىستەيدى، وندا بىرىككەن ۇلتتار ۇيىمى ميسسيالارىنا قاتىسقان وفيتسەرلەر ءوز تاجىريبەلەرىمەن ءبولىسىپ وتىرادى. قازىرگى تاڭدا ب ۇ ۇ- نىڭ بىتىمگەرشىلىك ميسسيالارىندا ق ر قارۋلى كۇشتەرىنىڭ ءتورت وفيتسەرى قىزمەت ەتۋدە. اسكەري بايقاۋشىلار رەتىندە ولار باتىس ساحاراداعى ميسسياعا قاتىسۋدا. 2014 -جىلدىڭ شىلدە ايىنان بەرى ب ۇ ۇ- نىڭ باتىس ساحاراداعى جانە كوت- ديۆۋارداعى بەيبىتشىلىكتى ساقتاۋ ميسسيالارىندا بايقاۋشى رەتىندە قازاقستاننىڭ 11 وفيتسەرى جۇمىس ىستەدى.
ق ر قورعانىس مينيسترلىگىنىڭ مالىمەتتەرى بويىنشا، 2013 -جىلى قازاقستان «قازبات» بىتىمگەرشىلىك باتالونىن يراك جەرىنە اتتاندىرعان بولاتىن. قازاقستاندىق ينجەنەرلىك- ساپەرلىك جاساق يراكتا ب ۇ ۇ- نىڭ تۇراقتاندىرۋ كۇشتەرى قاتارىندا ابىرويمەن قىزمەت ەتىپ كەلگەن ەدى. جاساق يراك جەرىندە جارىلماي قالعان وق، سنارياد، مينالاردى ىزدەستىرۋ، انىقتاۋ، جويۋ بويىنشا جۇمىستاردى اتقاردى. 2003-2008 -جىلدار ارالىعىندا «قازبات» ۋكراينا جانە ا ق ش قارۋلى كۇشتەرىمەن بىرگە 4 ميلليوننان استام جارىلعىش زاتتى جويىپ جىبەرگەن.
سونىمەن بىرگە قازاقستاننان بارعان ساپەرلەر يراكتىڭ قارۋلى كۇشتەرىنىڭ 340 مامانىن جارىلعىش زاتتاردى انىقتاۋ جانە جويۋ بويىنشا جۇمىستارعا دايىنداپ شىقتى.
ق ر اسكەريلەرى «دەلتا» بازاسىنىڭ اينالاسىنداعى 9646 قۋما مەتر ايماقتى قاۋىپتى جارىلعىش زاتتاردان تازارتتى. اۋىزسۋمەن قامتاماسىز ەتۋ ءۇشىن سۋعا تازارتۋ جۇمىستارىن دا جۇرگىزدى. جاساق قاتارىنداعى مەديتسينالىق قىزمەتكەرلەر يراكتىڭ 3 مىڭنان استام تۇرعىنىنا تەگىن كومەك كورسەتتى.
اۆتور: جاسۇلان جولدىبايەۆ
