16:04, 23 - ناۋرىز 2017 | GMT +5
بايان- ولگەيدە 1000 بالا ءبىر مەزەتتە كۇي تارتتى
استانا. قازاقپارات - موڭعولياداعى ەتنيكالىق قازاقتار كوپ مەكەندەگەن بايان- ولگەي ايماعىندا ناۋرىز مەرەكەسىنە وراي مىڭ ءبۇلدىرشىن ءبىر مەزەتتە قازاق كۇيىن كۇمبىرلەتتى، دەپ حابارلايدى قازاقپارات.
ۆيدەونى الەۋمەتتىك جەلىگە جۇكتەگەن نۇربول قاناعات. «باي- ولكەدە ناۋرىز مەرەكەسىنە وراي 1000 ءبۇلدىرشىن كۇي تارتتى. بۇگىن ايماقتا ازداپ قار جاۋدى. قازاقى بارلىق ءداستۇر شارا بويىنشا ءوتىپ جاتىر»، - دەيدى ۆيدەو اۆتورى.
ايتا كەتەيىك، موڭعوليانىڭ بايان- ولگەي ايماعى 1940 -جىلى قۇرىلعان. ايماق ورتالىعى - ولگي، قازىر بۇل وڭىردە 91 مىڭنان اسا حالىق تۇرادى جانە سول حالىقتىڭ 93 پايىزى - قازاقتار.
اۆتور: كەنجەكەي توقتامۇرات قىزى
