قىرعىزستاندا ءجۇسىپ بالاساعۇننىڭ 1000 جىلدىعى تويلانۋدا
دەپ حابارلادى قازاقپارات.
«ءجۇسىپ بالاساعۇن ءوز زامانىندا حالىقارالىق دەڭگەيدەگى ويشىل بولعان. ونىڭ بىرنەشە عاسىر بۇرىن ايتىلعان ويلارى بۇگىن دە وزەكتى. ول بيلىك وكىلدەرى قوعام مۇددەسىن وزىنىكىنەن جوعارى قويىپ، ازاماتتاردىڭ يگىلىگى ءۇشىن ادال جانە رياسىز قىزمەت ەتۋى كەرەك ەكەنىن اتاپ ءوتتى»، - دەدى سالتاناتتى جيىندا قىرعىزستان رەسپۋبليكاسىنىڭ پرەمەر- ءمينيسترى سوورونباي جەەنبەكوۆ.
سونداي- اق ول ءجۇسىپ بالاساعۇن جازعان كىتاپتار كوشپەندىلەردىڭ وركەنيەتىن، كوركەمونەر جەتىستىكتەرىن سيپاتتايتىنىن جانە ول ءبىلىمنىڭ قاينار كوزى ەكەنىن جەتكىزدى. «قۇتادعۋ بىلىك» كىتابى - تۇرىك تىلىندە جازىلعان العاشقى تۋىندى.
«كونە بالاساعۇن قالاسى، ءجۇسىپ بالاساعۇننىڭ قىزمەتى، ونىڭ بالاساعۇن قالاسىندا ونداعان جىلدار بۇرىن جازىلعان «قۇتادعۋ بىلىك» كىتابى الەمدىك مادەنيەت پەن تاريحتا قۇنى جوعارى . «قۇتادعۋ بىلىك» - ءاربىر ادامعا پايداسى تيەتىن اقىلدى جانە پايدالى كەڭەستەر جيىنتىعى»، - دەدى پرەمەر- مينيستر.
ەسكە سالا كەتەيىك، «تۇرىكسوي» تۇركى ءتىلدى مەملەكەتتەردىڭ حالىقارالىق ۇيىمى 2016 -جىلدى «ءجۇسىپ بالاساعۇن جىلى» دەپ جاريالادى. تۇركى ويشىلىنىڭ 1000 جىلدىعىنا ارنالعان شارالار تۇركيا، قىرعىزستان، ازەربايجان جانە قازاقستاندا وتۋدە.
