نۇرسۇلتان نازاربايەۆ: 1000 جىلدىق تاريحى بار الماتىنىڭ باستى بايلىعى - ونىڭ تۇرعىندارى

 الماتى. قازاقپارات - مەملەكەت باسشىسى نۇرسۇلتان نازاربايەۆ الماتىداعى مۇز سارايىنىڭ اشىلۋىنا قاتىسىپ جاتىر. سونىمەن قاتار، جيىنعا يۋنەسكو دەلەگاتسياسى مەن الىس- جاقىن شەت ەلدەن كەلگەن قوناقتار شاقىرىلعان.

سالتاناتتى شارادا ەلباسى نۇرسۇلتان نازاربايەۆ قۇتتىقتاۋ ءسوز سويلەدى. مەملەكەت باسشىسى ءوز سوزىندە الماتىنى قازاقستان حالقى عانا ەمەس، الەمدىك قاۋىمداستىق تا جاقسى كورەتىنىن ايتتى. الماتىنىڭ 1000 -جىلدىعى يۋنەسكو- نىڭ كۇنتىزبەسىنە ەنگىزىلگەن.

«بۇل قاسيەتتى جەردە تالاي تاريحي وقيعالار ءوتتى. بۇل جەردەن جىبەك جولى ءوتتى. 550  جىل بۇرىن ۇلى دالا قازاق حاندىعىنىڭ التىن بەسىگىنە اينالدى. ەل تاريحىندا 20 - عاسىردا الماتى ەرەكشە ءرول اتقاردى. 1929 -جىلى الماتى استانا اتانىپ، ونىڭ حالقىنىڭ سانى 1 ميلليون. تۇرعىنعا دەيىن ارتتى. مەنىڭ تاۋەلسىزدىگىمىز تۋرالى زاڭعا وسى الماتىدا قول قويعانىمدى ايرىقشا اتاپ وتۋگە بولادى. ءبىزدىڭ حالقىمىز مۇندا اتا زاڭدى قابىلداپ، وسى قالادا قازاقستان حالقى اسسامبلەياسى قۇرىلدى. ءبىز ءبىر شاڭىراق استىندا تاتۋ- ءتاتتى عۇمىر كەشىپ جاتىرمىز. وسى جەردە مەن باس قالامىز - استانانى قۇرۋ تۋرالى زاڭعا قول قويدىم» ، - دەدى ن. نازاربايەۆ.

ەلباسى الماتىنىڭ 1000  جىلدىعىنداعى ەڭ باستى بايلىق ونىڭ تۇرعىندارى ەكەنىن اتاپ ءوتتى.