الماتىداعى جاۋىنگەرلىك ونەر فەستيۆالىنە 1000 عا جۋىق سپورتشى قاتىستى - فوتو
ق ر تاۋەلسىزدىگىنىڭ 25 جىلدىعىنا باعىتتالعان بۇل يگى شاراعا الەمنىڭ 17 ەلىنەن 1000 عا جۋىق سپورتشى قاتىستى.
«بۇل فەستيۆالدىڭ ماقساتى - ەلباسى نۇرسۇلتان نازاربايەۆتىڭ قوعامدىق كەلىسىم جانە جالپى ۇلتتىق بىرلىك مودەلىن ىلگەرىلەتۋ، جاستار اراسىندا سپورت پەن سالاماتتى ءومىر سالتىن ناسيحاتتاۋ جانە وسىنداي سپورتتىق شارالار ارقىلى جاستاردى پاتريوتتىق رۋحتا تاربيەلەۋ. بۇگىنگى فەستيۆالگە الەمنىڭ 17 ەلىنەن 1000-عا مىقتى سپورتشىلار قاتىسۋدا. ولار ءوز ەلدەرىنىڭ ۇلتتىق جەكپە- جەك ونەرلەرىن پاش ەتەتىن بولادى» . - دەدى «قازاقپارات» تىلشىسىنە بەرگەن سۇحباتىندا قازاقستان كارىستەرى قاۋىمداستىعى جاستار قوزعالىسىنىڭ ءتوراعاسى يگور لي.
سونىمەن قاتار، فەستيۆالگە قازاقسستاننىڭ تاەكۆوندو فەدەراتسياسى ، رەسپۋبليكالىق جەكپە- جەك ونەرلەرى وداعى، ق ر كاراتە فەدەراتسياسى، «بەس قارۋ» فەدەراتسياسى، قازاقستان حالقى اسسامبلەياسى، الماتى قالاسىنىڭ ەتنومادەني بىرلەستىكتەرى مەن الماتى قالاسى اكىمدىگىنىڭ وكىلدەرى قاتىسىپ وتىر.
ەڭ الدىمەن ەلىمىزدە جەكپە - جەك ونەرىنىڭ دامۋىنا ۇلەس قوسقان ءبىرقاتار ارداگەرلەر ەستەلىك سىيلىقتارمەن ماراپاتتالدى.
ودان كەيىن، قازاق كۇرەسى، وزبەك جەكپە- جەك ونەرى، تايەكۆوندودان سەگىزىنشى ازيا بىرىنشىلىگىنىڭ قۇراما كومانداسى، شينكيوكۋشين جەكپە- جەك ونەرى، كاپوەيرا، بۋدزينكان نيندزيا، ايديدو نيشيو ريۋ، ۋشۋ ونەرىنىڭ مايتالماندارى ءوز ونەرلەرىن پاش ەتتى.
فەستيۆالدىڭ ۇيىمداستىرۋشىلارى - «قازاقستان كارىستەرى قاۋىمداستىعى» قوعامدىق بىرلەستىگى جانە ق ر پرەزيدەنتى جانىنداعى «قوعامدىق كەلىسىم» ر م م.
ايتا كەتەلىك، وسى فەستيۆالدان سوڭ «دوستىق» سپورت كەشەنىندە تايەكۆوندودان سەگىزىنشى ازيا بىرىنشىلىگى باستالدى.
اۆتور: ايبوتا جاپپاربەرگەن
