الماتىدا وتەتىن قىسقى رەسپۋبليكالىق ۋنيۆەرسياداعا 1000 نان اسا سپورتشى قاتىسادى
بۇل تۋرالى بۇگىن الماتىدا وتكەن باسپا ءسوز ءماسليحاتى بارىسىندا جاريا ەتىلدى.
«VI ۇلتتىق قىسقى رەسپۋبليكالىق ۋنيۆەرسيادا ويىندارى قازاقستان تاۋەلسىزدىگىنىڭ 25 جىلدىعىنا ارنالادى. بۇل ويىنداردى وتكىزۋدەگى باستى ماقسات - ەلباسى ن. نازاربايەۆتىڭ قازاقستاندىقتاردىڭ كەم دەگەندە 30 پايىزىن بۇقارالىق سپورتپەن شۇعىلدانۋعا تارتۋ تۋرالى تاپسىرماسىن ورىنداۋ جانە جاستار اراسىندا وسى بۇقارالىق سپورتتى كەڭىنەن ناسيحاتتاۋ. سونداي-اق، بۇل ويىندار الماتىدا 2017-جىلى بولاتىن 28- دۇنيەجۇزىلىك قىسقى ستۋدەنتتىك ۋنيۆەرسيادا ويىندارىنا دايىندىق ىسپەتتەس بولادى»، - دەدى ءوز سوزىندە ق ر ءبىلىم جانە عىلىم ۆيتسە-ءمينيسترى تاحير بالىقبايەۆ.
سونىمەن قاتار، تاحير وسپان ۇلى ۇلتتىق ۋنيۆەرسيادا اياسىندا قىسقى سپورتتىڭ 10 تۇرىنەن جارىستار وتەتىندىگىن جەتكىزدى.
«ۇلتتىق ۋنيۆەرسيادا اياسىندا 10 سپورت تۇرىنەن جارىستار بولادى. ولار: پرەزيدەنتتىك كوپسايىس، شاڭعى جارىسى، بياتلون، شورت-ترەك، تاۋ شاڭعى سپورتى، سنوۋبورد، قىسقى سپورتتىق باعدارلاۋ، شاڭعىمەن تۇعىردان سەكىرۋ، شايبالى حوككەي جانە كونكيمەن جۇگىرۋ. ويىندارعا رەسپۋبليكا بويىنشا 35 جوعارى وقۋ ورىندارىنان قۇرامىندا جالپى سانى 1072 سپورتشى بار 141 سپورت كوماندالارى قاتىسادى.
ولار سپورتپەن تۇراقتى تۇردە اينالىسىپ جۇرگەن جانە قانداي دا ءبىر رازريادى بار ستۋدەنتتەر. ال جارىستار بالۋان شولاق اتىنداعى سپورت سارايىندا، «مەدەۋ» سپورت كەشەنى، «شىمبۇلاق» تاۋ-شاڭعىلى شيپاجايى، الاتاۋ شاڭعى بياتلونى كەشەنى، حالىقارالىق «سۇڭقار» شاڭعى تۇعىرلارى كەشەنى جانە ءال-فارابي اتىنداعى قاز ۇ ۋ سپورت سارايىندا وتەدى»، - دەدى ت. بالىقبايەۆ.
ايتا كەتەلىك، الماتى قالاسىندا تۇڭعىش رەت ۇيىمداستىرىلىپ وتىرعان 6- ۇلتتىق رەسپۋبليكالىق ۋنيۆەرسيادا ويىندارىنىڭ اشىلۋ سالتاناتى 6- اقپان كۇنى كۇندىزگى ساعات 13:00 دە حالىقارالىق «سۇڭقار» شاڭعى تۇعىرلارى كەشەنىندە وتسە، جابىلاۋ سالتاناتى 17- اقپان كۇنى بالۋان شولاق اتىنداعى سپورت سارايىندا بولادى.
اۆتور: جاپپاربەرگەن ايبوتا
