الماتى قالاسىنىڭ 1000 جىلدىعىنا ارنالعان ەڭ ۇزدىك لوگوتيپكە كونكۋرس جاريالاندى

استانا. قازاقپارات - الماتى قالاسى مادەنيەت باسقارماسى الماتى قالاسىنىڭ 1000 جىلدىعىنا ارنالعان لوگوتيپتىڭ(تاڭبا بەلگىسى - رەد.) ەڭ ۇزدىك ەسكيزىنە اشىق كونكۋرس جاريالايدى.

الماتى قالاسى اكىمدىگىنىڭ باسپا ءسوز قىزمەتىنەن حابارلاعانداي، كونكۋرستا «الماتى قالاسىنىڭ 1000 جىلدىعى» ۇزدىك كونسەپتۋالدى جوباسىن انىقتاۋ، ول مەگاپوليس ءداستۇرىنىڭ جانە لوگوتيپىنىڭ ۇقساس ۇلگىسىن كورسەتۋى ءتيىس، وندا تاريحي- مادەني جادىگەرلەرىمىز، تابيعي جانە قالا قۇرىلىسىنداعى ەرەكشەلىكتەر، زاماناۋي دامۋ تەندەنسيالارى، قالامىزدىڭ ەرەكشەلىگىن جاساۋعا جانە «الماتى قالاسىنىڭ 1000 جىلدىعى» اسەر ەتەرلىكتەي تانىمال ينۆەنت برەندىن جاساۋ ەسكەرىلۋگە ءتيىس.

كونكۋرسقا قاتىسۋعا ونەر شەبەرحانالارى، جارنامالىق اگەنتتىكتەر مەن فيرمالار، سۋرەتشىلەر، ديزاينەرلەر، ارحيتەكتورلار، جوبالاۋ ۇيىمدارى، جاقىن ماماندىق يەلەرى، سونىمەن قاتار، ونەرگە قاتىسى بار جوو- نىڭ ستۋدەنتتەرى جانە كاسىبي وقۋ ورىندارىنىڭ وقۋشىلارى مەن باسقالار قاتىسا الادى (ارى قاراي - قاتىسۋشىلار). كونكۋرسقا قاتىسۋشى جالعىز ادام (اۆتور)، سونداي-اق شىعارماشىلىق اۆتورلىق ۇجىم دا بولا الادى. كونكۋرسقا قاتىسۋشىلاردىڭ جۇمىستار سانىنا شەكتەۋ جوق.

كونكۋرستىق جۇمىستار 2016 -جىلدىڭ 22 -قاڭتارىنان 22 -اقپانىنا دەيىنگى مەرزىمدە قابىلدانادى. كونكۋرس ەرەجەسىنە ساي جۇلدە قورى - 1 ميلليون تەڭگە.

ايتا كەتەيىك، يۋنەسكو باس كونفەرەنسياسىنىڭ 38- سەسسياسىنىڭ شەشىمىمەن، الماتى قالاسىنىڭ 1000 جىلدىعىن مەرەكەلەۋ رەسمي تۇردە يۋنەسكونىڭ 2016 -جىلدىڭ مەرەيتويلىق جانە اتاۋلى داتالار كۇنتىزبەسىنە ەنگىزىلگەن بولاتىن.