الماتىنىڭ 1000 جىلدىعى يۋنەسكو مەرەيتويلارىنىڭ تىزىمىنە ەندى

استانا. قازاقپارات - الماتىنىڭ 1000 جىلدىعى يۋنەسكو-نىڭ مەرەيتويلىق داتالار تىزىمىنە ەندى. بۇل تۋرالى بۇگىن ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا ق ر ۇلتتىق عىلىم اكادەمياسىنىڭ اكادەميگى، تاريح عىلىمدارىنىڭ دوكتورى، ارحەولوگ كارل بايپاقوۆ ءمالىم ەتتى.

 «مەن جاقىندا بەلگىلى بولعان كەرەمەت جاڭالىقتى جاريالاعىم كەلىپ وتىر. الماتىنىڭ 1000 جىلدىق مەرەيتويى يۋنەسكو تىزىمىنە ەندى. الماتىنىڭ تاريحى 150 جىل ەمەس ەكەندىگى دالەلدەنگەن جايت جانە ونىڭ قۇرىلۋى ۆەرنىي قامالىنىڭ سالىنۋىمەن بايلانىستى ەمەس. الماتىعا - 1000 جىل. بۇل - تۇتاس تاريحي ءداۋىر»، - دەدى ول.

ونىڭ ويىنشا، الماتى تۋريستەر وشاعىنا اينالۋى ءتيىس. «تۇركىستان، وتىرار، ساۋران -تۋريستەرگە، تاعزىم ەتۋشىلەرگە تولى. الماتى دا سول سياقتى ءىرى تۋريستىك ورتالىققا اينالا الادى»، - دەپ اتاپ ءوتتى عالىم.

وڭتۇستىك استانانىڭ اكىمدىگى 2016-جىلى قالانىڭ مىڭجىلدىعىن اتاپ وتەتىندىگىن بۇنىڭ الدىندا حابارلاعان بولاتىن.

اۆتور: جاسۇلان جولدىبايەۆ