قازاقستاندىق 1000 اسكەري قىزمەتشى جاڭا پاتەرلەردىڭ يەسى اتانادى
قازىرگى كەزدە بارلىق وبەكتىلەردە ىشكى جوندەۋ جۇمىستارى مەن وعان تيەسىلى اۋماقتاردى اباتتاندىرۋ جۇرگىزىلىپ جاتىر.
جوسپار بويىنشا جارتى جىلدان كەيىن ق ر ق ك 1000 اسكەري قىزمەتشىسى جانە ولاردىڭ وتباسى مۇشەلەرى جاڭا پاتەرلەرگە قونىستانباق، دەپ حابارلادى ق ر قورعانىس مينيسترلىگىنىڭ باسپا ءسوز قىزمەتىنەن.
استانا، الماتى قالالارىندا، گۆاردەيسك اسكەري قالاشىعىندا، سونداي-اق سارى وزەك، ب. مومىش ۇلى، وتار جانە ارناساي اۋىلدارىندا جاڭا تۇرعىن ۇيلەر تۇرعىزىلۋدا. اتاپ ايتساق، 1000 تۇرعىن ءۇيدىڭ جالپى اۋماعى 70459.7 شارشى مەتردى قۇرايدى. بيىلعى جىلى بارلىعى 92580 شارشى مەتردى قۇرايتىن تۇرعىن ءۇي الاڭىن تۇرعىزۋ، جوندەۋ جانە تاپسىرۋ جوسپارلانىپ وتىر.
ونىڭ اياسىندا استانا، الماتى، وسكەمەن، سەمەي، تالدىقورعان، قىزىلوردا، قاراعاندى، تاراز، شىمكەنت، پاۆلودار، قوستاناي، جاركەنت، تەمىرتاۋ جانە اياگوز قالالارىندا، سونداي-اق گۆاردەيسك، سارىوزەك، ب. مومىش ۇلى، وتار، ارناساي جانە اقمول اۋىلدارىنداعى 1320 اسكەري قىزمەتشى قىزمەت وتەپ جۇرگەن ورىندارىندا ساپالى جاي-كۇيمەن قامتاماسىز ەتىلەدى.
