تەننيس تاريحىندا 1000 رەت جەڭىسكە جەتكەن ءۇشىنشى سپورتشى كىم؟

استانا. قازاقپارات - شۆەيتساريالىق رودجەر فەدەرەر اۆسترالياداعى بريسبەندە ءوتىپ جاتقان تۋرنيردىڭ فينالىندا كانادالىق ميلوش راونيچتى جەڭىپ، تەننيس تاريحىندا كاسىبي تەننيسشىلەر قاۋىمداستىعىنىڭ الەمدىك تۋرىندا 1000 رەت جەڭىسكە جەتكەن ءۇشىنشى سپورتشى اتاندى.

بۇل تۋرالى ۇيىمنىڭ رەسمي سايتى حابارلادى.

فينالدىق ماتچ ر. فەدەرەردىڭ جەڭىسىمەن (6:4, 6:7, 6:4) اياقتالدى. تەننيسشىلەردىڭ كەزدەسۋى 2 ساعات 13 مينۋتقا سوزىلدى.

ەسكە سالا كەتسەك، بۇدان بۇرىن الەمدىك تۋرداعى 1000 جەڭىس امەريكاندىق دجيممي كوننورس (1337 ماتچتا باسىم تۇسكەن) پەن يۆان لەندلدىڭ (1071) ەنشىسىندە بولاتىن. بۇگىنگى تاڭدا ولار وزدەرىنىڭ كاسىبي سپورتتىق جولىن اياقتاعان.