09:28, 07 - قازان 2014 | GMT +5
قۇنى 1000 دوللار تۇراتىن الەمدەگى ەڭ قىمبات كامپيتتەر ساتىلا باستادى
استانا. قازاقپارات - لوندونداعى Harrods دۇكەنى الەمدەگى ەڭ قىمبات كامپيتتەردى ساتا باستادى. بىرىككەن اراب امىرلىگىندە ءوندىرىلىپ، Delice ماركاسىمەن ساتىلىپ جاتقان تاتتىلەردىڭ ءبىر قورابىنىڭ قۇنى - 1 مىڭ دوللار، دەپ حابارلايدى The Daily Mail باسىلىمى.
«قازىر ءبىز كۇنىنە كەم دەگەندە ءبىر قوراپ ءتاتتىنى ساتۋدامىز، ول الۋشىلاردىڭ زور قىزىعۋشىلىعىن تۋدىرۋدا»، - دەيدى اتالمىش ءونىمدى شىعاراتىن كومپانيانىڭ باسشىسى جالەل گايزا.
سۆاروۆسكي كريستاللدارىمەن جانە 24 كاراتتىق التىنمەن بەزەندىرىلگەن قوراپتىڭ ىشىندە 240 كامپيت بار ەكەن. ول فرانسۋزدىق «ۆالرونا» كومپانياسى وندىرەتىن ەڭ قىمبات شوكولاد سورتتارىنىڭ بىرىنەن جاسالادى. الايدا ونىڭ ءدامىن تۇرلەندىرۋ ءۇشىن الۋان ءتۇرلى قوسىندىلار دا پايدالانىلادى ەكەن. اتاپ ايتقاندا، تاتتىگە قوسىلاتىن بادام تۋنيستەن، پىستە (فيستاشكالار) اۋعانستاننان، گرەك جاڭعاقتارى ا ق ش-تان جانە كەدر جاڭعاقتارى تۇركيادان جەتكىزىلەتىن كورىنەدى.
