سولتۇستىك قازاقستاندىقتار 1000 گۇلدەن مەملەكەتتىك تۋدى بەينەلەپ جاسادى
ورتالىق الاڭعا جينالعان قاۋىمدى ءوڭىر باسشىسى ەرىك سۇلتانوۆ قۇتتىقتادى.
«ناعىز پاتريوتيزم مەملەكەتتىك رامىزدەردى قۇرمەتتەۋدەن باستالادى. وسىنداي قۇرمەت ارقىلى ءبىز تۇتاستىعىمىز بەن اۋىزبىرشىلىگىمىزدى كورسەتەمىز. ەل باسشىسى اتاپ وتكەندەي، «ەل ازاماتتارىنىڭ ونىڭ رامىزدەرىنە دەگەن قۇرمەتى - ادامدار قانشالىقتى وزدەرىن وسى ەلدىڭ ازاماتى رەتىندە سەزىنەتىنىن، بولاشاققا دەگەن سەنىمىن، پاتريوتتىق سەزىمىن كورسەتەدى».
بۇل قاسيەتتەرگە ءبىز اسىرەسە، جاستاردى تاربيەلەۋىمىز قاجەت. ءبىزدىڭ ەلدى جاڭا تابىستار مەن جەتىستىككە جەتكىزەتىن دە ناق سولار» ، - دەپ اتاپ ءوتتى وبلىس اكىمى ەرىك سۇلتانوۆ.
فورم بارىسىندا كاسىبي قىزمەتىندە جەتكەن تابىستارى، بەلسەندى ازاماتتىق ۇستانىمى، الەۋمەتتىك- ماڭىزدى ماسەلەلەردى شەشۋگە ۇلەس قوسقانى ءۇشىن 5 سولتۇستىك قازاقستاندىق وبلىس اكىمىنىڭ ديپلومىن الدى. ءارتۇرلى كاسىپ بولعانىمەن، ولاردى ءوز ەلىنە دەگەن شەكسىز سۇيىسپەنشىلىگى مەن پاتريوتتىق ماقتانىش سەزىمى بىرىكتىرەدى.
«تۋ، ەلتاڭبا، ءانۇراندى باعالاپ، قاستەرلەۋ ءار ازاماتتىڭ ۇلى پارىزى، تەك سولار ارقىلى ءوز ەلىمىزگە دەگەن ماقتانىش سەزىمىن بىلدىرە الامىز. سولار ارقىلى ءبىر ءبىرتۇتاس وتباسى ەكەنىمىزدى سەزىنەمىز» ، - دەدى «نەگىز» ج شس- نىڭ ديرەكتورى سەرگەي تيموفەيەۆ.
بيىلعى جىلى پەتروپاۆلدا مەملەكەتتىك رامىزدەر كۇنىندە 1000 باقىت گۇلىنەن (حريزانتەما) جاسالعان مەملەكەتتىك تۋ مەرەكەنىڭ كوركىن كەلتىردى. تۋدىڭ ۇزىندىعى 3 مەتر 30 سانتيمەتر. «باقىتتى كۇن» جەكەمەنشىك اگەنتتىك قىزمەتكەرلەرىنىڭ مۇنى جاساۋىنا 12 ساعات كەتكەن. گۇل 400 مىڭنان استام تەڭگەگە ساتىپ الىندى.
