عالىمدار: الماتىنىڭ مادەني جاسى 1000 جىلدان كەم ەمەس
«جۇرگىزىلگەن ارحەولوگيالىق ماتەريالدار مەن قازبا جۇمىستارىنىڭ ناتيجەسىندە نۋميزماتيكالىق كوللەكتسيالاردى، ەتنوگرافيالىق مۇرالاردى، ەجەلگى جازبا تۋرالى ماتەريالداردى زەرتتەي كەلە الماتىنىڭ مادەني جاسى 1000 جىلدان كەم ەمەس دەگەن قورىتىندىعا كەلىپ وتىرمىز»،-دەدى تاريح عىلىمدارىنىڭ دوكتورى، پروفەسسور، ق ر ۇ ع ا اكادەميگى كارل بايپاقوۆ.
تاريحشىنىڭ مالىمدەۋىنشە، مۇنداي مالىمدەمەگە XIII عاسىردىڭ جادىگەرى سانالاتىن مونەتاداعى جازۋ نەگىز بولا الادى. وندا الماتىدا جاسالعان دەپ جازىلعاندىعىن نۋميزمات ارابيست ۆلاديمير ناستيچ وقىعان. بۇل دەرەك الماتىنىڭ جاسىن بەلگىلەۋگە ۇتىمدى نەگىز بولا الادى، دەيدى ماماندار.
«X-XI عاسىرلارداعى مۇسىلمان رەنەسسانسى تاياۋ شىعىس ايماعىنا، سونىڭ ىشىندە استاناسى الماتى بولعان جەتىسۋ ايماعىنا دا ەلەۋلى اسەر ەتتى. بۇل كەزدە قالا مادەنيەتىنىڭ گۇلدەنۋى ورىن الدى»، - دەدى ول.
زەرتتەۋشى عالىمدار الماتىنىڭ مادەني جاسىن رەسمي بەكىتۋ ءۇشىن يۋنەسكو-عا قۇجاتتار جىبەرمەكشى.
اۆتور: گۇلميرا عوسمانالي
