و ق و- دا پوليتسەيلەرگە 1000 تەڭگە بەرمەك بولعان جۇرگىزۋشى 400 مىڭ تەڭگەسىنەن قاعىلدى
ايماقتىق ءى ءى د باسپا ءسوز قىزمەتىنىڭ حابارلاۋىنشا، وقيعا ماقتاارال اۋدانىندا ورىن العان. جول-پاترۋلدىك پوليتسيانىڭ قىزمەتكەرلەرى جەتىساي كوشەلەرىنىڭ بىرىندە «فولكسۆاگەن- پاسسات» كولىگىن توقتاتتى. ونىڭ جۇرگىزۋشىسى مەملەكەتتىك ءنومىرسىز، وعان قوسا وشىرىلگەن فارامەن(شىراعىن جاقپاي - رەد.) كەلە جاتتى.
پوليتسەيلەر اكىمشىلىك قۇقىق بۇزۋشىلىق تۋرادى حاتتاما تولتىرا باستاعاندا، 32 جاستاعى جۇرگىزۋشى ماسەلەنى «باسقا جولمەن» شەشۋدى ۇسىنىپ، ينسپەكتورلارعا حاتتامانى تولتىرماۋ ءۇشىن 1000 تەڭگە بەرمەك بولدى. پوليتسيادا جۇرگىزۋشى بۇل ارەكەتى ءۇشىن جازاعا تارتىلۋى مۇمكىن ەكەنى ەسكەرتىلگەنى ايتىلدى، وعان قوسا ءتارتىپ بۇزۋشىنىڭ ارەكەتتەرى بەينەتاسپاعا جازىلعان.
اقىرى، سوت شەشىمىمەن كولىك جۇرگىزۋشىسى ق ر اكىمشىلىك قۇقىق بۇزۋشىلىقتار تۋرالى كودەكستىڭ 676 -بابىمەن («زاڭدى تۇلعالارعا زاڭسىز ماتەريالدىق سىياقى ۇسىنۋ») ايىپتى دەپ تانىلىپ، ەر ادامعا 200 ا ە ك كولەمىندە ايىپپۇل سالىندى. ەندى كولىك يەسى 400 مىڭعا جۋىق تەڭگە تولەۋى ءتيىس.
