قىزىلوردادا 100 جاستان اسقان 6 قاريا تۇرادى

قىزىلوردا. قازاقپارات - 1- قازان - حالىقارالىق قارتتار كۇنىنە وراي قىزىلوردا قالاسىندا ىشكى ساياسات ءبولىمىنىڭ ۇيىمداستىرۋىمەن عاسىر جاساعان ارداگەرلەرگە قۇرمەت كورسەتىلدى، دەپ حابارلادى قالالىق ىشكى ساياسات ءبولىمىنىڭ باسشىسى بالدىرعان مامەن.

مەرەكە قارساڭىندا قالاداعى ۇكىمەتتىك ەمەس ۇيىمداردىڭ وكىلدەرى مەن جاستار «عاسىر ارداگەرلەرى» اكسياسىن وتكىزۋ تۋرالى ۇسىنىسپەن شىققان بولاتىن. ايتۋلى كۇنى ازاماتتىق قوعام ينستيتۋتتارىنىڭ وكىلدەرى 6 قاريانى دا ارالاپ، قالا اكىمىنىڭ قۇتتىقتاۋ حاتىن جانە سىيلىقتارىن تابىس ەتتى.

قاريالار ءوز كەزەگىندە جاستارعا العىستارىن ءبىلدىرىپ، باتالارىن بەردى. جالپى قىزىلوردا قالاسىندا 100 جاسقا تولعان جانە 100 جاستان اسقان 6 قاريا تۇرادى.

قىزىلورداداعى ەڭ ۇلكەن قاريا قىزدارايىم اياپوۆا 1908-جىلى تۋىلعان. 5 بالاسى، 25 نەمەرەسى، 15 شوبەرەسى بار.

كۇلتاي يۋلداشبەكوۆا 1912-جىلى تۋىلعان. 4 بالا، 20 نەمەرە، 28 شوبەرەسى بار.

1912-جىلى تۋىلعان بالقيا ەرىمبەتوۆانىڭ 8 بالاسى، 15 نەمەرەسى، 10 شوبەرەسى بار.

ال ءاشىم يسكاكوۆ 1912-جىلى تۋىلعان. 10 بالا، 23 نەمەرە، 24 شوبەرەسى بار.

حاديشا قارعايەۆا 1914-جىلى تۋىلعان. 6 بالاسى، 22 نەمەرەسى، 8 شوبەرەسى بار.

رابيعا قويانبايەۆا 1912-جىلى تۋىلعان، 5 بالاسى، 5 نەمەرەسى، 3 شوبەرەسى بار.

اۆتور: ەلۋباي اۋەزوۆ