قازاقستاندىقتاردى 100 اسكەري مەن 300 وقۋشى ساپ تۇزەۋ ارقىلى مەرەكەمەن قۇتتىقتادى - كەسكىن
وسىنداي فلەشموب ارقىلى ۇيىمداستىرۋشىلار قازاقستان رەسپۋبليكاسى قارۋلى كۇشتەرىنىڭ 25 جىلدىعىنا ەرەكشە تارتۋ جاسادى، دەپ حابارلايدى قازاقپارات ءتىلشىسى.
ەرەكشە فلەشموبتىڭ وتۋىنە وبلىستىق قورعانىس ىستەرى جونىندەگى دەپارتامەنت پەن وڭىرلىك كوممۋنيكاتسيالار قىزمەتىنىڭ وكىلدەرى ۇيىتقى بولدى.
شارا ماقساتى - ق ر قارۋلى كۇشتەرىنىڭ بەدەلىن ارتتىرۋ جانە نىعايتۋ، جاستارعا اسكەري- پاتريوتتىق تاربيە بەرۋ، قازاقستاندىق ارميا قاتارىندا اسكەري قىزمەت وتكەرۋدىڭ بەدەلىن كۇشەيتۋ.
اكسيا اياسىندا «اسكەرگە شاقىرۋ كۇنى» ۇيىمداستىرىلىپ، الماتى وبلىسىنىڭ 40 ازاماتى قارۋلى كۇشتەر قاتارىن تولىقتىردى. جەتىسۋلىق جاستار اقمولا وبلىسىنداعى اۋە قورعانىسى كۇشتەرىنىڭ 44813-اسكەري بولىمىندە وتان الدىنداعى بورىشىن وتەيتىن بولادى.
سالتاناتتى شاراعا الماتى وبلىسىنىڭ اكىمدىك وكىلدەرى، قورعانىس ىستەرى جونىندەگى دەپارتامەنتتىڭ باسشىلىعى، قارۋلى كۇشتەردىڭ ارداگەرلەرى، اسكەري پروكۋراتۋرانىڭ، «نۇر وتان» پارتياسىنىڭ وكىلدەرى، سونداي-اق بولاشاق ساربازداردىڭ اتا-انالارى مەن تۋعان-تۋىستارى قاتىستى.
جالپى بيىلعى كوكتەمدە مەرزىمدى اسكەري قىزمەتكە الماتى وبلىسىنان 2 مىڭ جاس شاقىرىلادى.
